Yakɔ́ɓɔ 1:18 - Ɔngana á Kɛ̌kɛ

¹⁸ K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

Yakɔ́ɓɔ 1:18 Iomraidhean Croise

Yoáni 1:13

Ɓakpa ndɔ, ɓánáoɓá ɓana-Mokonga ka nyɔngɔ á ɓɔkɔtɛana ɓea nkpa buakɛ á ka mokonda ndee, nndɔ á kokpa, ɓáɓɔkɔtɛani ndiu k'ékondi ndea Mokonga.

Ɓalɔ́ma 4:17

Cɔ, a tɔ ɓíndɔ ɓáɗundu suɓi á Ɓuku á Mokonga gea: «Ɗékobisi aba ɛɓɔkɔti ásii.» Yɛ, ande abasu mosá á Mokonga ímbe amɓeeki. Mokonga ndɔ, ande mmbé aǒendisa ɓakpa nde ɓaku na sosea á kema nde káɓimbɛ mɔnɔ ɓei gea te áɓɛ ye tɔ ɓei.

1 Ɓakɔlítɔ 4:15

Ka enda anu kimoci na Kiísito, nanga ɓótóɓá na ɓagoisigi elephu nkama (10.000), abanu a tɔ mo. Eme ámbé ne ye tɔ abanu suɓi á Yéso Kiísito, ka tɔ̌miaga anu Mbino-Ánjá.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓaɛphɛ́sɔ 1:12

Cɔ, ɓémbebɛni Mokonga ka ɓoombia nɛkɛ, ɓesu íɓundɔ ɗéɓenseɓei Kiísito k'ama mosá-mosá.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Yakɔ́ɓɔ 1:15

Mɔphɛ ájeɗe ndɔ a ye ɔmɔta áɔɓɔkɔta ɓojeɗe. Ɓojeɗe a ye ɔmɔta áɔɓɔkɔta kukuwa.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 3:14

Ɓo ndiu oɓá na nsengo ájeɗe na měma á eteɓa, ɓókǒbebɛmbɛ ka mbɛa gea, ɓo na kɔɓɔɔngɛ.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

1 Yoáni 3:9

Nkpa buakɛ mmbé ande muna-Mokonga, nna ye ogea ɓojeɗe. Nga, nyɔngɔ á Mokonga aiki suɓi akɛ ɓea mbó. Nna ye ɔtɔka n'atútuisi gea á ɓojeɗe ka nyɔngɔ nde ande muna-Mokonga.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.