Yakɔ́ɓɔ 1:17 - Ɔngana á Kɛ̌kɛ

¹⁷ Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

Yakɔ́ɓɔ 1:17 Iomraidhean Croise

Matáyɔ 7:11

Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Lóka 11:13

Ɓenu gǎkɛ, nanga ɓî ɓonde ɓato ájeɗe, ɓo tɔ oúba gabea á ɓ'ananu kema ánjánja. Cɔ, Abanu mmbé á na koba, anɔ́nyɛ́nyi ɗoni k'égabɔ. Aeɓophande phɔtɔ Měma nɛkɛ á kanga ɓojeɗe ɓunde ɓáɔmmɛma.»

Yoáni 1:9

Owanga ndɔ unge ɗátú tɔ á ɗoni, nnde abiki ka mokonda, n'aɔbɛnya ka ɓakpa ɓɔbu.

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 8:12

Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 5:31

Yɛ aámbé Mokonga anɗokomisi, áombisa nkɛkɛɔ á njaga akɛ á mǔku gea, áɓɛ moamɛ na Namisi ndea ɓato á ka Isilaɛ́li gea, ɓákětiɛ tambea nɛɓɔ na Mokonga áímɛ ɓojeɗe nɛɓɔ.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

Ɓaɛbulanía 13:8

Yéso Kiísito nnaǒketia, kaɓɛ n'ande kala, kesande na mɛyɔ.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Yoáni 1:5

Cɔ, mbino nde ɓɛɔnɔtɔmia n'atóki k'aphenɔkɔ á Yéso Kiísito aungee: Mokonga ande owanga, ka yɛ, kaiphiɔ nna tanda ɓei.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.

Mphaniɔ 21:23

Ntanga-nji ndɔ, ɗákátú na ɓuyɛnɛ á maní na songe nga, ɓophombia ndea Mokonga aunge ɗáojegia na Muna-Mɔgɔgɔ áɔbɛnya ɓea ɔbɛa.

Mphaniɔ 22:5

Keiphe káɓɛeka ye na ɓákáɓɛku ye na siki á owanga á maní n'índe á ɔbɛa nga, Mɔkɔta Mokonga aɛmbisande owanga nɛkɛ gǔ aɓɔ. Ɓámameande nji ka saga na saga.