Yakɔ́ɓɔ 1:1 - Ɔngana á Kɛ̌kɛ

¹ Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

Yakɔ́ɓɔ 1:1 Iomraidhean Croise

Matáyɔ 10:3

Philípɔ na Batɔlɔmáyɔ, Tɔmá na Matáyɔ mmbɔ mphendisigi-manjanja, Yakɔ́ɓɔ muna Alpháyɔ na Tadɛ́yɔ,

Matáyɔ 13:55

Nna phɔ́ muna nto á ɓɔí á mɔphɛkɔ ndɔ aámbé? Amakɛ nna phɔ́ Malía? Yakɔ́ɓɔ, Yɔsɛ́phu, Simɔ́ni na Yúda ɓáká phɔ́ ɓana-amakɛ?

Matáyɔ 19:28

Yéso áǒngoɗea: «Nenóngoɗi ɗoni gea, mbenɔ nde Muna-Nkpa aikande ka kankaanga á ɓoombia ka mokonda nde abikande, ɓenu íɓunde ɗóɓomoɓǐ, ɓoikande phɔtɔ ka kankaanga nkama na iɓɛ (12) ka tena á nyɔngɔ á ekuna nkama na iɓɛ (12) ndea Isilaɛ́li.

Málikɔ 3:18

Andeé, Philípɔ, Batɔlɔmáyɔ, Matáyɔ, Tɔmá, Yakɔ́ɓɔ muna Alpháyɔ, Tadɛ́yɔ, Simɔ́ni, manei ekuna nɛkɛ,

Lóka 22:30

Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»

Lóka 6:15

Matáyɔ, Tɔmá, Yakɔ́ɓɔ muna Alpháyɔ, Simɔ́ni mmbé ɗáokaɓa tókisa á nji nɛɓɔ ka kɔkɔɓɛ,

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Ekuma á ɓateki 1:13

Ɓî ɓájú ye ka Yɛusalɛ́ma, ɓáoɗápha suɓi éndu á gǔ ɔma nde ɗáɓáodondanaga. Ɓunde ɗáɓátú wa, ɓáungee: «Pɛ́tɛɛ, Yoáni, Yakɔ́ɓɔ na Andeé. Philípɔ na Tɔmá. Batɔlɔmáyɔ na Matáyɔ. Yakɔ́ɓɔ muna Alpháyɔ, Simɔ́ni mmbé ɗáokáɓa tokisa á nji nɛɓɔ ka kɔkɔɓɛ, na Yúda muna Yakɔ́ɓɔ.»

Ekuma á ɓateki 12:17

Pɛ́tɛɛ áǒdakanisa na njaga akɛ, áɔ̌tɔmiaga ɓî Mɔkɔta anjúanisi ka mekakɔ. Â phɔtɔ ǒgea: «Múbisani Yakɔ́ɓɔ na ɓadasu ɓaɓêki ɓunɛngbo nyɔngɔ ndee.» Mpɔ, áojuana, áoga ɔma nɛngbo.

Ekuma á ɓateki 15:13

Ɓî ɓágɔɓi ye yɔnga, Yakɔ́ɓɔ áǒngoɗea te: «Ɓaya, ɔ́mɔɔ́kani phɔ́!

Ekuma á ɓateki 15:21

Nga, kpanga á kala, ɓáɔphɛa na tanga ɛ́ɔphi ndea Mósa suɓi éndu á madondano ɗanga-ɗanga ndea Ɓayúda ka nyɔngɔ á Mokonga k'ésa á saɓáto bui na ka ntanga-nji bui.»

Ekuma á ɓateki 15:23

Ɓáǒteka na ɓaoɓa na ɓáɗundu suɓi í ɓe: «Ɓesu ɓateki, ɓagbɛga na ɓaɓêki ɓeésesi ɓadasu ɓundɔ ɓáná Ɓayúda ɓunde ɓáiki ka Antiɔkía, Sulía na Kilikía.

Ekuma á ɓateki 2:5

Cɔ, Ɓayúda ɓunde ɗáɓáomɓánga Mokonga, ɗáɓátóki ka nji ɗanga-ɗanga á ka mokonda, ɓáoɓá ka Yɛusalɛ́ma.

Ekuma á ɓateki 21:18

Mama í, ɓéoga na Pɔ́lɔ mɔtɛ á Yakɔ́ɓɔ, ɔma nde ɓagbɛga á kanisa ɓɔbu ɗáɓádondanigi.

Ekuma á ɓateki 23:26

«Eme Kɔɔdíɔ Lusía, nekosesi oɓɛ mɔkɔta Phelíki, mɛna-ɓoombia phɛɛ, samba.

Ekuma á ɓateki 26:7

Ɓato á k'ékuna nɛsu nkama na iɓɛ (12), ɓáseɓei ɔna á tɔtɔkɛana á mɔkɔ kau. Kaɓondɔ unge, ɓáɔmɛma Mokonga na moíngí keiphe n'esa. Moamɛ Agiípa, nyɔngɔ ndɔ ungɔ Ɓayúda ɓámɔtɔngi kau!

Ekuma á ɓateki 8:1

Cɔ, Saúlɔ ɗáɓeeki mowa á Sɛtɛphánɔ. Esa ndɔ tɔ, Ɓayúda ɓáokpanga sona á kanisa á ka Yɛusalɛ́ma akpɛ. Kaɓondɔ, ɓaɓêki ɓɔbu ɓáophanjekana ka nji á Yudɛ́a na Samalía. Ɓateki ɓáunge ɓâ tɔ ojiga ka Yɛusalɛ́ma.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓagalatía 1:19

Ɗékémɔni tanda ka ɓateki ɓaangbo. Ɗɛ́mɔni tɔ Yakɔ́ɓɔ, muna-amakɛ na Mɔkɔta.

Ɓagalatía 2:12

Cɔ, mosá á jua ka ɓakpa nde Yakɔ́ɓɔ ɗáeteki, Pɛ́tɛɛ ɗáoeaga kimoci na ɓakpa nde ɓáná Ɓayúda. Mbenɔ nde ɓakpa ndɔ ɓákiɗi, mpɔ â gǎkɛ oɗoa eaga na katana na ɓɔ, nga, ɗáǒɓánga ɓakiísito ɓundɔ ɗáɓáounia esomba á gua ganja.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

2 Timɔtɛ́ɔ 4:21

Ókamisaga bika mosá á matú á phiɔ. Ɛubúlɔ, Púdɛ, Línɔ, Klɔdíɔ, na ɓadasu ɓɔbu, ɓákosambei.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

1 Pɛ́tɛɛ 1:1

Eme Pɛ́tɛɛ, nteki nde ɓa Yéso Kiísito, aámbé neɗundu ɓaoɓa ndee. Neɗundu ka ɓakpa nde Mokonga ɛ̌sɔmbu, ɓunde ɗáɓáphanjekani na ɓáoenda ɓea ɓakɛni ka ntanga-nji á ka Pɔ́ntɔ, Galatía, Kapadɔkía, Asía, na Bitinía.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.

Mphaniɔ 7:4

Mpɔ, nɛ́ɔɔ́ka mɔɔmba á ɓunde ɗáɓáɓɛti mutúti ndea Mokonga k'éndóndó aɓɔ. Ɗáɓátú ɓakpa ɛlɛphu moci mia gena nkama gena na gena (144.000), k'ékuna bui ndea Ɓaisilaɛ́li.