Ɓaɛphɛ́sɔ 6:9 - Ɔngana á Kɛ̌kɛ

⁹ Ɓenu ɓakɔta, ógeeani phɔtɔ ɓakɔɓɛ nenu ánjá. Ɓókǒagatisɛmbɛ. Úbani gea, ɓenu na ɓakɔɓɛ nɛnu Mɔkɔta nɛnu a tɔ mo. Yɛ, ana koba nna n'oɓayɔ.

Ɓaɛphɛ́sɔ 6:9 Iomraidhean Croise

Matáyɔ 22:10

Ɓabɛɗanigi ndɔ ɓáoga ka makani á aphe ángbóngbó ndɔ, ɓáǒdondanisa ɓakpa ɓɔbu, ɓunde ɗáɓáedondi, ɓánjá na ɓunde ɓájeɗe. Mpɔ endu ɛ́kɛka áotúma na ɓakpa ndɔ ɓáɛɓɔphani.

Matáyɔ 22:8

Mpɔ áǒngoɗea ɓabɛɗanigi nɛkɛ te: «Cɔ, eea á ɛkɛka a ye biɗi. Ɓakpa nde ɓáɛɓɔphani gǎkɛ ka jaí ɓákákenani ně.

Matáyɔ 24:48

Cɔ, a gǎkɛ oɓá n'ande mɓɛɗanigi ajeɗe, ěgeande sisakɛ: ‹Mɔkɔta aíphi phɛɛ!›

Matáyɔ 24:51

Mɔkɔta nɛkɛ amɔnisande ka ɓɔngɔ na ɓinda akɛ ɓea ɓato á maibe na bisa akɛ k'ɔ́ma nde agámande na ea á minyɔ.

Matáyɔ 7:12

Ógeeani phɔtɔ ɓakpa ɓonjánjá bui ɓíndɔ ɓokondi ɓánogeeɛ. Nndɔ ungɔ ande cina ɛ́ɔphi ndea Mósa na cina á ɓuku ndea ɓaɔtu-nyɔngɔ ndea Mokonga.

Lóka 6:31

Nnde ɓokondi ɓakpa ɓágeɛ ka phɔa anu, geani phɔtɔ ɓó ka phɔa ɓɔ.

Yoáni 13:13

Ɓogi ánjá ka ɔphana ani: ‹Ngoisigi› na ‹Mɔkɔta› nga, eme nende yɛ.

Ekuma á ɓateki 10:34

Mpɔ, Pɛ́tɛɛ áɔyɔnga ɓe: «Neúbi ye tɔ ɗoni gea, Mokonga nna omɓaya ka nkpa,

Ɓalɔ́ma 2:11

Nga, Mokonga nna n'oɓayɔ ka tena á nyɔngɔ.

1 Ɓakɔlítɔ 7:22

Nga, nkpa nde Mɔkɔta ɗámɔphani n'ande nkɔɓɛ, atóki ye tɔ ka kɔkɔɓɛ ɓî a ye nkpa ndea Mɔkɔta. Nkpa nde Mɔkɔta ɗámɔphani na nna nkɔɓɛ, a ye gǎkɛ nkɔɓɛ ndea Kiísito.

Ɓakɔlɔsái 3:25

Mmbé a gǎkɛ ogea ájeɗe, ɓámphendande ájeɗe nga, Mokonga nna n'oɓayɔ.

Ɓakɔlɔsái 4:1

Cɔ, ɓenu íɓunde ɓona ɓakɔɓɛ, ógeeani ɓakɔɓɛ nɛnu ánjá na koɗoni. Úbáni gea, ɓenu phɔtɔ, ɓona Mɔkɔta nɛnu na koba.

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

Yakɔ́ɓɔ 2:8

Cɔ, a gǎkɛ oɓá na ɓɔtɔtɔkisi ɛɔphi á ka koɓoamɛ ndea Mokonga, ámbé ɓogi ánjá. Nga ɓáɗundu suɓi á Ɓuku gea: «Nkonda dakɔ ɓíndɔ ǒkondi sasakɔ.»

Yakɔ́ɓɔ 5:4

Cɔ, ɓókótóephendi ɓabɛɗanigi á ka ciko nɛnu ɓíndɔ akeni. Ntaɓo á ɓabɛɗanigi ka nyɔngɔ á oɓayɔ ndɔ ɓotógi ka phɔaɓɔ atɔ́ɔ́kɛkani ka kɛcuɛ ndea Mɔkɔta, Mɛna-ɓukpɛkpɛ.