Ɓaɛphɛ́sɔ 6:20 - Ɔngana á Kɛ̌kɛ

²⁰ Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

Ɓaɛphɛ́sɔ 6:20 Iomraidhean Croise

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 26:29

Pɔ́lɔ áonsikisia te: «Aoɓá ka mbenɔ ábɔa, kaɓɛ ka mbenɔ ásii, nɛɔmɛma Mokonga. Ɛmɛmi ndɔ nna tɔ ka phɔa akɔ sasakɔ, a ndiu phɔtɔ ka phɔa ɓakpa ɓɔbu ɓunde ɓáɔmɔɔ́ka kesande, ɓáɓɛ ɓea eme. Ɓákanómakeɛmbɛ ndiu ka mekakɔ ɓea eme.»

Ekuma á ɓateki 28:20

Kaɓondɔ unge nɛnɔ́ɔphani gea nɛ́nɔɔnɛ, nɛ́yɔngɛgɛ na ɓenu. Nga, ɓámɔɓɔí ngoi á ngɔa nde, ka nyɔngɔ á nseɓeɔ nde Ɓaisilaɛ́li ɓáně.»

Ekuma á ɓateki 28:31

n'aɔ́phɛa nyɔngɔ á koɓoamɛ ndea Mokonga, na goisaga á nyɔngɔ ndea Mɔkɔta Yéso Kiísito. Â phɔtɔ ɔɔ̌phɛa kángá kɔɓɔɓɔkɔ na kángá á kema nde áonimisia.

Ekuma á ɓateki 5:29

Pɛ́tɛɛ, kimoci na ɓadakɛ ɓateki, ɓáǒsikisia te: «Akeni ɓɛ́mɔkɛ Mokonga, kɔ̌nyɛ́nya ɓakpa.

2 Ɓakɔlítɔ 3:12

Ɓî ɓena nseɓeɔ ndɔ, aunge ɓebisi měma asu phɛɛ kau.

2 Ɓakɔlítɔ 5:20

Ɓende ɓakpa nde ɓɛɔyɔnga k'ína á Yéso nga yɛ aámbé asóteki. Ande gea te, Mokonga aámbé agi te ɓɛ́nɔɔphanɛ. Cɔ, ɓenóɗengemisigi k'ína á Kiísito gea te, ɓɔ́ɔnganɛ na Mokonga.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

Ɓakɔlɔsái 4:4

Kaɓondɔ, mɛmani ka gea, nɛ́tɔ̌miɛgɛ base, nyɔngɔ nɛkɛ ɓíndɔ akeni.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

Philɛmɔ́nɔ 1:10

Nekoɗengemisigi ka nyɔngɔ á Ɔnɛsímɔ, miki nɛmɔ á ka měma mmbé nɛntɔi wani ka mekakɔ.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

1 Yoáni 3:16

Ɓeoengekisa ekondi ka nyɔngɔ ndee: Kiísito ɗábisi enda akɛ ka ɓesu. Ɓesu phɔtɔ, akeni ɓébisɛ enda asu ka bɛɗaneaga ɓadasu.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.