Ɓaɛphɛ́sɔ 6:19 - Ɔngana á Kɛ̌kɛ

¹⁹ Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓaɛphɛ́sɔ 6:19 Iomraidhean Croise

Ekuma á ɓateki 13:46

Pɔ́lɔ na Baanába, ɓâ gǎkɛ ǒsikisia nyɔngɔ na nténdé ɓe: «Ɓenu ɓáunge ɓátókeni phɔ́ ɓánɔphɛɛ Nyɔngɔ á Mokonga mosá! Cɔ, ɓî ɓoyé, na ɔna gea te, ɓókókeni ɓá na enda á mɛyɔ, ɓegande k'ékuna nɛngbo.

Ekuma á ɓateki 14:3

Pɔ́lɔ na Baanába, ɓâ gǎkɛ oika kó esa ásii. Ɓáosuia tɔ̌miaga á nyɔngɔ á Mɔkɔta kángá á ngǎka na seɓea akɛ. Mɔkɔta â koopha ɓukpɛkpɛ á tɔtɔkisa ketangaɔ na mphangiɔ ásii. Nndɔ unge aengekisi ɓɔphɛi á ɓonjánja-ékondi nɛkɛ gea ande ɗoni.

Ekuma á ɓateki 18:26

Áokpanga phɛá k'éndu á madondanɔ ndea Ɓayúda ka nyɔngɔ á Mokonga kángá ɓanga. Piisíla na Akíla, ɓî ɓámɔ́ki, ɓáonga ně mɔtɛ-aɓɔ, ɓáɔntɔmiaga base phɛɛ aphe á Mokonga.

Ekuma á ɓateki 19:8

Cɔ, Pɔ́lɔ ɗáongiaga k'éndu á madondanɔ ndea Ɓayúda ka nyɔngɔ á Mokonga. Ka ɓasonge ɓasaɔ ɗáɔphɛa na ɓukpɛkpɛ nyɔngɔ á koɓoamɛ ndea Mokonga. Yɛ, ɗá gǎkɛ opúa na ɓɔ, áokonda gea ɓakpa ɓáɓeekeɛ ú.

Ekuma á ɓateki 2:4

Mpɔ, ɓɔbu ɓáotúma na Měma á kanga ɓojeɗe, ɓáokpanga yɔnga ka ɛyɔngi nɛngbo ɓíndɔ Měma aéteki gea, ɓáyɔngɛ.

Ekuma á ɓateki 28:31

n'aɔ́phɛa nyɔngɔ á koɓoamɛ ndea Mokonga, na goisaga á nyɔngɔ ndea Mɔkɔta Yéso Kiísito. Â phɔtɔ ɔɔ̌phɛa kángá kɔɓɔɓɔkɔ na kángá á kema nde áonimisia.

Ekuma á ɓateki 4:13

Ɓakpa nde ɗáɓá ka ntua ndɔ, ɓáoyayama phɛɛ ɓî ɓɛ́ɓɔni Pɛ́tɛɛ na Yoáni na ɓáɔyɔnga kángá á kɔɓɔɓɔkɔ, na úba gea ɗáɓátú ɓato á jǎi-jǎi, ɓundɔ ɗáɓákángi ka kaasi. Ɓáoúba phɔtɔ gea, ɓɔ ɗáɓátú na Yéso.

Ekuma á ɓateki 4:29

Cɔ, Mɔkɔta, ɔna phɔ́ ɓî ɓákpangi ɓangisa asu. Ósopha ɓukpɛkpɛ ka tɔ̌miaga á nyɔngɔ nɛkɔ kángá kɔɓɔɓɔkɔ nga, ɓende ɓabɛɗanigi nɛkɔ.

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ekuma á ɓateki 9:27

Baanába â gǎkɛ ɔmbɛɗa Saúlɔ, áonga ně mosá á ɓateki. Áɔ̌tɔmiaga etéte á ɓî Saúlɔ ɗámɔni Mɔkɔta Yéso k'aphe, na ɓî ɗáyɔngi na yɛ. Â phɔtɔ ɔ̌tɔmiaga etéte á ɓî Saúlɔ ɗáɔphɛa k'ína á Yéso ka Damasíki kángá ngǎka.

Ekuma á ɓateki 9:29

 phɔtɔ ɔyɔngaga na púa na Ɓayúda, ɓundɔ ɓáɔyɔnga Kigiíki. Ɓayúda ndɔ ɓâ gǎkɛ okaɓa mowa akɛ.

Ɓalɔ́ma 15:30

Ɓaya, nenóɗengemisigi k'ína á Mɔkɔta nɛsu Yéso Kiísito na k'ékondi nde Měma á Mokonga aobikisa, ɓéjúkanɛni ka mɛma á Mokonga na moíngi ka phɔani.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 1:5

Nga, Kiísito anóphi ɛtɔi ásii á yɔnga na úbapha phɛɛ.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 4:1

Kaɓondɔ, ósobɛɗani ɓea ɓabɛɗanigi ndea Yéso Kiísito, ɓɛɔbɛɗanaga ka tɔ̌mia nyɔngɔ á ɓɔsɔmɛa ndea Mokonga.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

2 Ɓakɔlítɔ 3:12

Ɓî ɓena nseɓeɔ ndɔ, aunge ɓebisi měma asu phɛɛ kau.

2 Ɓakɔlítɔ 6:11

Cɔ, Ɓakɔlítɔ ɓaya, ɓétónɔyɔngɛi base gea te měma asu atókoɗokani ánjá ka ɓenu.

2 Ɓakɔlítɔ 7:4

Nenóseɓei phɛɛ na ɓe phɔtɔ ǒbeba na ɓenu. Nanga ɓétambaga, měma ani atúmi na nténdé na maseye.

2 Ɓakɔlítɔ 8:7

Cɔ, ɓenu, ɓona kema bubui, kaɓɛ ɓeekea, egabɔ á yɔnga, úbapha, moíngí kángá á sungiaga. Ɓo phɔtɔ n'ekondi ásii ka ɓesu. Kaɓondɔ, ɓekondi ɓɔ́ɔnisɛ phɔtɔ gea, ɓona kema bui k'ékuma ndɔɔ.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Ɓatɛsalɔníka 5:25

Ɓaya, mɛmani Mokonga ka phɔasu.

2 Ɓatɛsalɔníka 3:1

Cɔ, ɓaya, ka sungiaga, mɛmani Mokonga ka phɔasu ka gea, nyɔngɔ ndea Mɔkɔta ákamisɛgɛ ndandá, na ɓáɗokomisɛ phɔtɔ ú ɓíndɔ ɓooɗokomisa mɔtɛ-anu.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Philɛmɔ́nɔ 1:22

Gǔ índɔ, ɓɔngisiaga phɔtɔ kani ɔma á tɔ̌. Nga, neseɓei te, Mokonga aɔ́kande ɛmɛmi nɛnu, â goto omojisa mɔtɛ-anu.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.