Ɓaɛphɛ́sɔ 6:18 - Ɔngana á Kɛ̌kɛ

¹⁸ Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓaɛphɛ́sɔ 6:18 Iomraidhean Croise

Matáyɔ 17:21

Ka phumba á nkoko á nsombo nde, akeni tɔ na ɛmɛmi na ika kángá á eaga ka nyɔngɔ mɛma á Mokonga.]»

Matáyɔ 26:41

Cɔ, ɓókoɗɛmbɛ, mɛmani Mokonga gea te, ɓókoguɛmbɛ ka mbenɔ á tombaga, měma ana ɓukpɛkpɛ, nyama gǎkɛ aunge aɔlɔmani.»

Málikɔ 13:33

Eya, ɛ́ngɛphani, ɓókoɗɛmbɛ. Nga, ɓókóoúba esa ndɔɔ.

Málikɔ 14:38

Cɔ, ɓókóɗɛmbɛ, mɛmani Mokonga gea te, ɓókoguɛmbɛ ka mbenɔ á tombaga. Měma ana ɓukpɛkpɛ, nyama gǎkɛ aunge aɔlɔmani.»

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Lóka 22:46

Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»

Lóka 3:26

mmbɔ muna Máti, mmbɔ muna Matatía, mmbɔ muna Simɛ́i, mmbɔ muna Yɔsɛ́ki, mmbɔ muna Yɔ́da,

Lóka 3:37

mmbɔ muna Mɛtusɛ́la, mmbɔ muna Ɛnɔ́ki, mmbɔ muna Yaɛɛ́di, mmbɔ muna Maalɛ́li, mmbɔ muna Kainána,

Ekuma á ɓateki 1:14

Ɓɔbu, na měma moci, ɗáɓá na moíngi á dondanaga k'ɛ́mɛmi. Ɗáɓáɔmɛma kimoci na Malía amakɛ na Yéso, ɓana-amakɛ na Yéso, na ɓake ɓuangbo.

Ekuma á ɓateki 10:2

Yɛ na ɓato á k'éndu nɛkɛ ɓɔbu ɗáɓátú omɓánga Mokonga na beba akɛ. Ɗá phɔtɔ ogaba imɔna nɛkɛ ka ɓaúki na mɛma á Mokonga kángá ɗeketa.

Ekuma á ɓateki 12:5

Kaɓondɔ, ɓáonamba Pɛ́tɛɛ ka mekakɔ. Ɓato á ka kanisa ɗáɓá gǎkɛ ɔmɛma Mokonga ka nyɔngɔ akɛ phɛɛ.

Ekuma á ɓateki 6:4

Ɓesu gǎkɛ, ɓeikande nɛsu k'ékuma á ɛmɛmi na phɛá á ɓakpa nyɔngɔ á Mokonga.»

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓaɛphɛ́sɔ 1:16

aunge kéoɗeketa beba á Mokonga ka phɔanu. Neonókanisia suɓi á ɛmɛmi nɛmɔ,

Ɓaɛphɛ́sɔ 2:22

Ɓî ɓojúkani na Kiísito, ɓonde phɔtɔ nkumba á mɔphɛkɔ ka ɓá na ɓakpa ɓuangbo ɓɔbu, endu nde Měma á kanga ɓojeɗe aikande kau.

Ɓaɛphɛ́sɔ 3:18

ka gea te, ɓɔɔtɔka na ɓoengekisi kimoci na ɓato á kanga ɓojeɗe, ɓogbae, ɓondanda, bɔ́mbɔa na dǔmana á ekondi ndea Kiísito.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓaɛphɛ́sɔ 6:19

Mɛmani phɔtɔ ka phɔani ka gea, Mokonga ámopɛ nténdé ka ɓoabi nde akeni, ɓî nɛɔtɔmiaga Mbino-Ánjá nɛkɛ nde ɗásɔmi.

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

Ɓaphilípi 4:6

Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

Ɓakɔlɔsái 1:3

Ɓeonsega Mokonga, Aba Mɔkɔta nɛsu Yéso Kiísito mbenɔ bui nde ɓɛɔmɛma ka phɔa anu.

Ɓakɔlɔsái 1:4

Cɔ, ɗɛ́ɓɛɔ́ki ɓî ɓomɓeeki Kiísito Yéso, na ɓǒkondi ɓakpa ndea Mokonga ɓɔbu.

Ɓakɔlɔsái 4:2

Suiani ɛmɛmi, ɛ́ngɛphani k'ɛ́mɛmi kau, ɓáni phɔtɔ na měma á ɓosegi ka Mokonga.

1 Ɓatɛsalɔníka 5:17

mɛmani Mokonga kángá ɗeketa,

1 Timɔtɛ́ɔ 2:1

Mosá á kema bubui, nɛnɔ́phɛí ɓe: mɛmani Mokonga ka phɔa á ɓakpa ɓɔbu, ɓónɗengemisɛgɛ, na ɓónsegɛ ka phɔaɓɔ.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.

Ɓaɛbulanía 5:7

Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Yúda 1:20

Cɔ, ɓenu ɓadani ékondi, mamani akpɛ ka ɓeekea nɛnu á kanga ɓojeɗe. Mɛmani na ɓukpɛkpɛ á Měma á kanga ɓojeɗe.