Ɓaɛphɛ́sɔ 6:17 - Ɔngana á Kɛ̌kɛ

¹⁷ Bɛɗani ɓoamia á ka měma ɓea kekombó á ngɔa na Mbino-Ánjá ɓea píndí nde Měma á kanga ɓojeɗe abikisi.

Ɓaɛphɛ́sɔ 6:17 Iomraidhean Croise

Matáyɔ 4:4

Yéso áonsikisia: «Ɓáɗundu suɓi á Ɓuku á Mokonga ɓe: ‹Nkpa nna tɔndɔ oenda ka nyɔngɔ á ea mokati, a ndiu ka nyɔngɔ bui nde Mokonga aɔyɔnga.›»

Matáyɔ 4:7

Mpɔ Yéso áongoɗea: «Ɓáɗundu phɔtɔ suɓi á Ɓuku á Mokonga gea: ‹Kóntombɛgɛ mɔnɔ Mɔkɔta Mokonga nɛkɔ.›»

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

Ɓaɛbulanía 6:5

ɓâ phɔtɔ oɗíía nyɔngɔ ánjá ndea Mokonga na ɔ́ka ɓukpɛkpɛ á matú nde abikande,

Mphaniɔ 1:16

Ɗábɛɗi ɓasɛɛngɔa ngianjaga iɓɛ (7) ka njaga akɛ á mǔku, píndí nde aophea nci gbɔgbɔ áojúana k'aphenɔkɔ akɛ. Keongi akɛ áɔbɛnya akpɛ ɓea maní ka kantende.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.

Mphaniɔ 2:16

Cɔ, kětiani tambea anu. Kaɓɛ na nna ɓó, nekamisagande bika á mɔtɛ-anu, néomana na ɓakpa ndɔ na píndí ndɔ aotóka k'aphenɔkɔ ani.