Ɓaɛphɛ́sɔ 6:14 - Ɔngana á Kɛ̌kɛ

¹⁴ Cɔ, mamani akpɛ! Ɗoni áɓɛ ɓea angeɗe nɛnu, koɗoni áɓɛ ɓea ngɔ́mbɛ á k'égogo á nto émani.

Ɓaɛphɛ́sɔ 6:14 Iomraidhean Croise

Lóka 12:35

Ikani tɔ na ɓɔɔ́li bɔngɔ nɛnu á ekuma na ɔbɛa nɛnu n'a tɔ ǒtoɓoaga.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

Ɓaɛphɛ́sɔ 6:13

Ɓî a ɓó, bɛɗani nkumba émani bui ndea Mokonga ka gea, ɓóubɛ kǒsimbia ka mana na mɓiɓia k'ésa ájeɗe nde aobika. Mbusa á gɔɓɛa emani unge ɓomamande akpɛ.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

Mphaniɔ 9:17

Suɓi á mphaniɔ nɛmɔ, ɓato-émani na ɓamponda émani na ɓá ɓe: ɗáɓátú na ngɔ́mbɛ á k'égogo ɓea nguɓa, ánjɛ ɓea nsa, nɛngbo n'aíndi ɓea ego, nɛngbo ɓea mpusu á ɔmiɔ. Mɔ̌ á ɓamponda ndɔ, ɗákengeani na mɔ̌ á ɓasimba. Ɛɛmbɛ, maki, mpusu á ɔmiɔ, áotóka k'aphenɔkɔ aɓɔ.

Mphaniɔ 9:9

Egogo aɓɔ, ɗána kema ɓea nguɓa á ngɔa. Ndu á kepupe aɓɔ, áɔɔ́kɛkana ɓea ndu á ɓamponda á emani ɓásii na ɓáoɓota koko émani mbangɔ ka gǎ k'aphe étu.