Ɓaɛphɛ́sɔ 6:12 - Ɔngana á Kɛ̌kɛ

¹² Nga, ɓesu ɓékéomana na ɓakpa, ɓe ndiu omana na měma nde ɓáɔɔphana ɓakɔta á n'ego na oɗo. Ɓɔ, ɓá gǎkɛ tɔ ɓakɔta á mokonda á kaiphiɔ. Ɓeomana na ɓansombo ɓunde ɓáotamba ɔma bui ɓea maphopho.

Ɓaɛphɛ́sɔ 6:12 Iomraidhean Croise

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Málikɔ 4:19

Nyɔngɔ ndɔ kaɓɛ na ɔma suɓi aɓɔ, ka nyɔngɔ á ianaga á kema á ka mokonda. Ɓá gǎkɛ ǒdemisaga n'ɛtɔi na konda kema ɗanga-ɗanga. Nndɔ bui áophiphisa Nyɔngɔ á Mokonga suɓi aɓɔ. Kagɔmbɛ ye.

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Lóka 22:53

Cɔ, esa bui ɗétú na ɓenu k'éndu á Mokonga ɗóɓokótuomodunga. Cɔ, mbenɔ nde a ye tɔ nɛnu na ɓukpɛkpɛ á kaiphiɔ.»

Yoáni 12:31

Kɛ̌kɛnde unge Mokonga atenande nyɔngɔ á ka mokonda. Kɛ̌kɛnde, amɓeagande phɔtɔ moamɛ á ka mokonda ndee.

Yoáni 14:30

Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani,

Yoáni 16:11

Aěengekisiande ɓato á ka mokonda tena á nyɔngɔ, ka nyɔngɔ nde, ɓá ye teni nyɔngɔ ndea moamɛ á ka mokonda ndee.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 8:38

Ka nyɔngɔ nde neoúba ɗoni gea, nna na kema nde aɔtɔka n'asókatanisi na ekondi ndea Mokonga. Kaɓɛ n'ande kukuwa, kaɓɛ n'ande enda, kaɓɛ n'ande ɓamalaéka, kaɓɛ n'ande ɓakɔta, kaɓɛ n'ande kema á kɛ̌kɛ, kaɓɛ n'ande kema nde abikande, kaɓɛ n'ande ɓato á ɓukpɛkpɛ,

1 Ɓakɔlítɔ 15:50

Ɓaya, negie: Nnde ɓáconji na nyama na magia nnaɔtɔka n'angí ka koɓoamɛ ndea Mokonga, na kema nde aoújukana, nnaɔtɔka n'aiki kanga újukana.

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓagalatía 1:16

Áomophangia Anakɛ ka gea te, nɛ́tɔmiɛgɛ Mbino-Ánjá nɛkɛ ka ɓunde ɓáná Ɓayúda. Ɗɛ́kɛ́mɛmi gǎkɛ ɓɔphɛi ka nkpa,

Ɓaɛphɛ́sɔ 1:21

Kiísito a gǔ á koɓoamɛ bui, kɔkɔta bui, ɓukpɛkpɛ bui, na ɓakɔta ɓɔbu kaɓɛ ka mokonda nde, kaɓɛ ka mokonda nde abikaeka.

Ɓaɛphɛ́sɔ 1:3

Obebɔ ka Mokonga, Aba Mɔkɔta nɛsu Yéso Kiísito. Asóbisíí njaga bui ka měma na bisia asu keɓu á na koba ka ɔngana asu na Kiísito.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaɛphɛ́sɔ 3:10

Cɔ, kɛ̌kɛnde k'aphe ndea kanisa unge ɓakɔta ɓɔbu na ɓukpɛkpɛ á na koba, ɓáúbɛ nyɔngɔ ɗanga-ɗanga á kɔɓɔɔngɛ ndea Mokonga.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

Ɓakɔlɔsái 2:15

Gǔ á moyangɔ ndɔ, Mokonga aoɓá gǔ á ɓukpɛkpɛ na kɔkɔta bui á měma á ɓamamei nji. Áǒkiɗianisa mosá á ɓakpa ɓɔbu, áɔ̌kɔɓisa ka mɔɔmba na ɓáoɓenganaga ɓea ɓato á mekakɔ ka ɔnisa gea Anakɛ akíndi.

2 Timɔtɛ́ɔ 2:5

Nna phɔtɔ na nto á njoko á gǎ mbangɔ nde ɓámphendande ka tɔka akɛ ka njoko ndɔ, akoɓá na ká ɓǐ moangɔ á njoko ndɔɔ.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.