Ɓaɛphɛ́sɔ 6:1 - Ɔngana á Kɛ̌kɛ

¹ Ɓenu ɓaniki, ɔ́ɓɔ́kani ɓaɓɔkɔti anu ɓíndɔ Mɔkɔta akondi. Nndɔ unge akeni ka ɓenu.

Ɓaɛphɛ́sɔ 6:1 Iomraidhean Croise

Lóka 2:51

Mbusa, â ye tɔ oga na ɓɔ na Najalɛ́ti, n'aɔɓɔ́ka ɓaɓɔkɔti akɛ. Amakɛ áoamba nyɔngɔ ndɔ bui ánjá ka měma akɛ.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 16:2

Nseseani yɛ ɓíndɔ ɓakiísito ɓámôogeaga k'ína á Mɔkɔta. Néngani ka kema bui nde ana siki í nga, yɛ ɗééngi ɓakpa ɓásii n'eme phɔtɔ.

Ɓalɔ́ma 7:12

Kaɓondɔ, ɛɔphi ndea Mokonga nna na ɓojeɗe, moangɔ ɛ́ɔphi ndɔ, ande á kanga ɓojeɗe, á koɗoni na aánjá.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Timɔtɛ́ɔ 5:4

A gǎkɛ oɓá nke á kekusa n'ana ɓaniki na ɓasuko, akeni ɓato á k'ékombo nɛkɛ ɓágoɛgɛ tɔtɔkisa á ɓeekea ndea Mokonga ka nyɛ́nyɛa ekuma nɛɓɔ ka phɔa ɓato á k'ékombo nɛɓɔ sasaɓɔ. Ɓáejisiɛ phɔtɔ ɓaɓɔkɔti aɓɔ na ɓatataɓɔ ɓonjánja nde ɗáɓěgi ně nga, nndɔ unge amɓɔngɛi Mokonga.

1 Pɛ́tɛɛ 2:13

Ɔ́ɓɔ́kani ɓakɔta ɓɔbu á ka mokonda ka nyɔngɔ nde, ɓomɓeeki Mɔkɔta: Kaɓɛ moamɛ mmbé ana kɔkɔta gǔ á ɓakpa ɓɔbu,