Ɓaɛphɛ́sɔ 5:4 - Ɔngana á Kɛ̌kɛ

⁴ Ɓókóyɔngɛgɛ mɔnɔ nyɔngɔ á soni, nyɔngɔ á kobóbó na nyɔngɔ nde ajɔɔkani. Ambe ɓónsegɛ ndiu Mokonga ka ɛmɛmi nɛnu.

Ɓaɛphɛ́sɔ 5:4 Iomraidhean Croise

Málikɔ 7:22

gúa n'etoa, kuma, kokae, maibe, iɛɓɛ, nsengo, ɛphɔti, ébeba, kobóbó.

Yoáni 6:23

Mpɔ, koko nengbo ásii nnde atóki ka ntanga-nji á Tibɛlía áokiɗia bíbí á ɔma nde ɗáɓáigi mokati mbusa á Mɔkɔta sega á Mokonga.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

Ɓaɛphɛ́sɔ 1:16

aunge kéoɗeketa beba á Mokonga ka phɔanu. Neonókanisia suɓi á ɛmɛmi nɛmɔ,

Ɓaɛphɛ́sɔ 4:29

Nyɔngɔ ájeɗe kajúanɛ mɔnɔ tanda k'aphenɔkɔ anu. Yɔngani ndiu tɔ nnde ana kantíti na akenanigi na mɔphɛ á ɓakpa na aɔtɔka na aegbagisigi ɓakpa na gea ánjá ka ɓundɔ ɓáɔnɔɔ́ka.

Ɓaphilípi 4:6

Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

Ɓakɔlɔsái 3:8

Kɛ̌kɛnde ye gǎkɛ, sagani nndɔ bui kaɓɛ: ɓɛí, oyombɔ, kokae. Mbóma, kaɓɛ ɛphɔ́ti, kajúanɛmbɛ k'aphenɔkɔ anu.

1 Ɓatɛsalɔníka 3:9

Eya, ɓetúmi na maseye ka nyɔngɔ anu, ɓékéɔtɔka na ɓeɗeketi sega á Mokonga.

1 Ɓatɛsalɔníka 5:18

nségani ka nyɔngɔ nɛnu bui. Nga, nyɔngɔ ndɔ ande mɔphɛ á Mokonga ka ɓenu ɓunde ɓɔɔngani na Yéso Kiísito.

Philɛmɔ́nɔ 1:8

Cɔ, nanga néɓá na kɔkɔta nde Kiísito ɗámopi, ka sosea akɔ kema nde ambe ɔ́tɔtɔkisɛ ú,

Ɓaɛbulanía 13:15

Cɔ, k'aphe ndea Yéso, ɓémophɛni Mokonga ɔphɛ́ɔ á ɗokomisa akɛ ka mbenɔ bui, ande gea te nnde aotóka k'aphenɔkɔ á ɓunde ɓáobeba ina akɛ.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 2:7

Mokonga ɗánamisi gǎkɛ Lɔ́ti, nto á koɗoni mmbé ɗáotambaga ka měma phɛɛ ka nyɔngɔ á tambea ájeɗe ndea ɓato á ka ntanga-nji ndɔɔ.

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.