Ɓaɛphɛ́sɔ 5:29 - Ɔngana á Kɛ̌kɛ

²⁹ Nna na nkpa nde aɔtɔka na akangei nyama akɛ sasakɛ. A ndiu oisa na amba í, ɓíndɔ Kiísito aoamba kanisa.

Ɓaɛphɛ́sɔ 5:29 Iomraidhean Croise

Matáyɔ 23:37

Yɛusalɛ́ma, Yɛusalɛ́ma! Oɓɛ aámbé ǒmowe ɓaɔtu-nyɔngɔ ndea Mokonga, óǒmowa n'etae ɓunde Mokonga akotekisíí. Mɔngɔ ángaáni nde netókondi dondanisa á ɓakpa nɛkɔ ka mpɛphɛ ani ɓea ama-gbɔ̌kɔ n'aódodanisa ɓ'anakɛ kusi á kepupe akɛ, kókondɛ gǎkɛ.

Matáyɔ 6:26

Ɔ́ɛnjiani phɔ́ ɓambǔ á ka mpɛna! Ɓánáokonanaga, ɓánáoɗungua, ɓánáobisa eea k'égbóngbó. Abanu mmbé á na koba a gǎkɛ kǒisa. Cɔ, ɓenu ɓɔ́kɔ́ɛnyɛ́nyi phɔ́?

Ɓalɔ́ma 1:31

Ɓabóbó, ɓato á kanga koɗoni, ɓato á kanga ekondi, ɓato á kanga ngomi.

Ɓaɛphɛ́sɔ 5:28

A phɔtɔ ɓó, ambe ɓǒko ɓáekondɛ ɓake aɓɔ ɓíndɔ ɓákondi nyama aɓɔ sasaɓɔ. Nga, mmbé ankondi nkakɛ, aékondi phɔtɔ sasakɛ.

Ɓaɛphɛ́sɔ 5:30

Nga, ɓende gbútuka á nyama akɛ.

Ɓaɛphɛ́sɔ 5:31

A tɔ ɓíndɔ Ɓuku á Mokonga agi: «Ka nyɔngɔ índɔ unge, mǒko ansagande abakɛ na amakɛ, ɓájúkanande na nkakɛ, ɓɔbu ɓaɓɛ ɓáɓande nyama moci.»