Ɓaɛphɛ́sɔ 5:27 - Ɔngana á Kɛ̌kɛ

²⁷ Ɗákondi gea, kanisa áɔnɛkanɛ mosá akɛ n'ana ɓoombia phɛɛ, kángá: nkiki, kisɛki, na kema ájeɗe-jeɗe nɛngbo. Ɗákondi gea, kanisa áɓɛ á kanga ɓojeɗe na kángá ɔyɛyɔ.

Ɓaɛphɛ́sɔ 5:27 Iomraidhean Croise

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

2 Ɓakɔlítɔ 4:14

Ɓeoúba gea, Mokonga ɗánjujúkisi Mɔkɔta Yéso ka kukuwa. Asójujukisaeka phɔtɔ kimoci na Yéso, áosóbisa kimoci na ɓenu bíbí akɛ.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓakɔlɔsái 1:22

Kɛ̌kɛnde gǎkɛ, Mokonga anɔɔnganisi na yɛ ka nyɔngɔ á kukuwa á Anakɛ ka nyama akɛ á kokpa ka gea, ánokiɗianisɛ mosá akɛ, ɓato á kanga ɓojeɗe, kángá kisɛki n'oyeyɔ.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.