Ɓaɛphɛ́sɔ 5:26 - Ɔngana á Kɛ̌kɛ

²⁶ ka gea, ásokoseɛ kanisa mosá á Mokonga: Áosokosea ú na yɔnga.

Ɓaɛphɛ́sɔ 5:26 Iomraidhean Croise

Yoáni 13:10

Yéso áongoɗea: «Nkpa nde ěsokosi, a ye tɔ na siki á sokosa ecinji akɛ. Nga, nkiki nna ye k'ɔ́ma bui. Cɔ, ɓenu, ɓókó na nkiki. Nna gǎkɛ ɓenu ɓɔbu.»

Yoáni 15:3

Cɔ, ɓenu ɓánosokosei ye tɔ ka měma ka nyɔngɔ á ɓɔphɛi nde ɗénóphɛí.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Yoáni 17:7

Kɛ̌kɛnde, ɓáúbi ye tɔ gea, kema bui nde ɗómopi, ɗátóki mɔtɛ-akɔ.

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 10:8

Cɔ, Ɓuku á Mokonga ayɔngi ɓoni? Ayɔngi gea: «Nyɔngɔ á Mokonga a bíbí akɔ, a k'aphenɔkɔ akɔ na suɓi á měma akɔ.» Nyɔngɔ á Mokonga ndɔ, ande mbino nde ɓɛɔtɔmiaga ú ka nyɔngɔ á ɓeekea.

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

Ɓaɛphɛ́sɔ 6:17

Bɛɗani ɓoamia á ka měma ɓea kekombó á ngɔa na Mbino-Ánjá ɓea píndí nde Měma á kanga ɓojeɗe abikisi.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 10:14

Ka ɛkɔmi ndɔ tɔ moci ka Mokonga, aunge Mokonga aími ɓojeɗe k'ésa bui ka ɓunde ětangi ɓato á ɓonjánja.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 13:12

Ka nyɔngɔ índɔ unge Yéso ɗáku phɔtɔ ka ngba á ntanga-nji, ka gea te, ásokoseɛ měma á ɓakpa na magia akɛ sasakɛ.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

2 Pɛ́tɛɛ 1:9

A gǎkɛ oɓá nkpa na nna na kema ndɔ, ande gea, nnaɔɔnapha ánjá, a ɓea keíme-íme, aɓosei gea, ɗáɓásokosei ɓojeɗe nɛkɛ á kala.

1 Yoáni 5:6

Yéso Kiísito aámbé ɗásobikíí ka iɓo á oɓatisɔ na ka magia. Yɛ, ɗákábiki tɔndɔ ka iɓo, phɔtɔ ka magia. Měma á Mokonga unge ande nɗigimisi nga Měma kau ande ɗoni.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.