Ɓaɛphɛ́sɔ 5:25 - Ɔngana á Kɛ̌kɛ

²⁵ Ɓenu ɓǒko, ókondani ɓake anu ɓíndɔ Kiísito akondi kanisa, áokuia ú

Ɓaɛphɛ́sɔ 5:25 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaɛphɛ́sɔ 5:24

Ambe ɓake ɓáikɛ kusi á kɔkɔta ndea ɓamunyaɓɔ ka kema bui ɓíndɔ kanisa a kusi á kɔkɔta ndea Kiísito.

Ɓaɛphɛ́sɔ 5:28

A phɔtɔ ɓó, ambe ɓǒko ɓáekondɛ ɓake aɓɔ ɓíndɔ ɓákondi nyama aɓɔ sasaɓɔ. Nga, mmbé ankondi nkakɛ, aékondi phɔtɔ sasakɛ.

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

Ɓakɔlɔsái 3:19

Ɓǒko, ókondani ɓake anu, ɓókǒɓɛisɛmbɛ mɔnɔ.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.