Ɓaɛphɛ́sɔ 5:21 - Ɔngana á Kɛ̌kɛ

²¹ Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

Ɓaɛphɛ́sɔ 5:21 Iomraidhean Croise

1 Ɓakɔlítɔ 16:16

ɔ́ɓɔ́kani ɓakpa ɓea ɓundɔ. Óɓeani phɔtɔ ɓakpa ɓɔbu ɓunde ɓáosuia bɛɗaneaga á Mɔkɔta ɓea ɓɔ.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓaɛphɛ́sɔ 5:22

Ambe ɓake ɓáikɛ kusi á kɔkɔta á ɓamunyaɓɔ ɓíndɔ ɓá kusi á kɔkɔta ndea Mɔkɔta.

Ɓaɛphɛ́sɔ 5:24

Ambe ɓake ɓáikɛ kusi á kɔkɔta ndea ɓamunyaɓɔ ka kema bui ɓíndɔ kanisa a kusi á kɔkɔta ndea Kiísito.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

1 Timɔtɛ́ɔ 2:11

Akeni ɓake ɓáɔ́kɛ ɓɔphɛi na ɓákɔɓi, na ɓátɔtɔkisɛ ɓɔphɛi kau.

1 Timɔtɛ́ɔ 3:4

Áangɛ endu nɛkɛ ánjá, ɓaniki nɛkɛ ɓáɔ́kɛ ɓɔphɛi nɛkɛ ɗoni.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

1 Pɛ́tɛɛ 2:13

Ɔ́ɓɔ́kani ɓakɔta ɓɔbu á ka mokonda ka nyɔngɔ nde, ɓomɓeeki Mɔkɔta: Kaɓɛ moamɛ mmbé ana kɔkɔta gǔ á ɓakpa ɓɔbu,

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»