Ɓaɛphɛ́sɔ 5:18 - Ɔngana á Kɛ̌kɛ

¹⁸ Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

Ɓaɛphɛ́sɔ 5:18 Iomraidhean Croise

Matáyɔ 23:25

Ngomi anu ɓaɗundu-ɛɔphi na Ɓaphaisáyɔ. Ɓonde ɓato á odemayɔ! Ɓoosokosaga mpɛphɛ á cǎ n'ɔphɛphɛ nde kádúumani, suɓi í n'atúmi ndiu na kema á kuɓa na nnde á mɔphɛ ájeɗe nɛnu.

Matáyɔ 24:49

Áokpanga ɓinda á ɓadakɛ íɓunde aobɛɗanaga na ɓɔ, aeagande na noa kimoci na ɓato á ɓoita.

Lóka 1:15

Nga, aɓande nto á ɓoombia k'íso á Mɔkɔta. Kánoɛeka tanda divai na etéte á makana bui. Atúmande na Měma á kanga ɓojeɗe n'a phɔ́tɔ suɓi á sɔphɔ á amakɛ.

Lóka 11:13

Ɓenu gǎkɛ, nanga ɓî ɓonde ɓato ájeɗe, ɓo tɔ oúba gabea á ɓ'ananu kema ánjánja. Cɔ, Abanu mmbé á na koba, anɔ́nyɛ́nyi ɗoni k'égabɔ. Aeɓophande phɔtɔ Měma nɛkɛ á kanga ɓojeɗe ɓunde ɓáɔmmɛma.»

Lóka 12:45

A gǎkɛ oɓá mbɛɗanigi ndɔ n'ěgi sasakɛ: ‹Hoo! Mɔkɔta kábikɛku soma.› Áokpanga ɓinda á ɓadakɛ ɓabɛɗanigi, ɓǒko na ɓake. Áoikia eaga na noa n'ɛbɛɗi á makana.

Lóka 21:34

«Ɛ́ngɛphani! Měma anu kaɗokómanɛmbɛ ka nyɔngɔ á eaga n'ɛbɛɗi á makana, phɔtɔ na mɔphɛ á enda. Ɓoogea ɓó, mmbe esa ndɔ anosɛnɛkɛande kángá mosenda.

Yoáni 2:10

áongoɗea: «Ɓakpa ɓɔbu ɓá phɔ́ kǒɓopha ɓato á ɛkɛka makana nde aánjá phɛɛ mosá-mosá. Mbusa á noa í ásii, ɓáǒɓopha mokongo. Cɔ, oɓɛ obisi gǎkɛ tɔ makana nde aánjá phɛɛ mbusa!»

Ekuma á ɓateki 11:24

Baanába ɗátú nkpa anjánjá, mmbé atúmi na Měma á kanga ɓojeɗe phɔtɔ na ɓeekea. Kaɓondɔ, ɓakpa ɓásii ɓáǒyamea ka ɓeekea Mɔkɔta Yéso.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Ɓakɔlítɔ 11:21

Cɔ, ɓî ɓooeaga, nkpa na nkpa aokamisaga ea eea ínɛkɛ, na ɓakpa ɓuangbo na ɓá na nja, ɓuangbo makana n'aɔ́bɛɗa.

1 Ɓakɔlítɔ 5:11

Cɔ, ɗénoɗundui gǎkɛ gea, ɓókodaɗokeanɛ mɔnɔ na nkpa nde aogea: «Nende mokiísito», n'ande: nto á otungɔ, nto á phɛngɛmana á měma ka kema, nto á beba ɓamokonga á mbɛa, nto á ɛphɔti, nto á ɓoita, nto á njaga-njaga. Ɓókóeɛgɛmbɛ na ɓɔ.

1 Ɓakɔlítɔ 6:10

ɓakukuɓa, ɓakpa nde měma aɓɔ aɔphɛngɛmana ka kema, ɓato á ɓoita, ɓato á ɛphɔ́ti, ɓato á njaga-njaga.

1 Ɓatɛsalɔníka 5:7

Nga, kǐpha aunge ɓakpa ɓáoɗa, ɓunɛngbo makana áɔ̌bɛɗa.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.