Ɓaɛphɛ́sɔ 5:11 - Ɔngana á Kɛ̌kɛ

¹¹ Ɓókǒngisɛmbɛ mɔnɔ ka nyɔngɔ nde ɓáogea suɓi á kaiphiɔ. Ɓókóbuniɛgɛmbɛ gǎkɛ nyɔngɔ kau.

Ɓaɛphɛ́sɔ 5:11 Iomraidhean Croise

Matáyɔ 18:15

Aoɓá dakɔ n'akogǐí ɓojeɗe, gǎ ómphangiɛ ɓojeɗe nɛkɛ na ɓo tɔ na yɛ ɓaɓɛ. Aoɓá n'akɔɔ́ki, ámbé onjisi goto k'ékita.

Lóka 3:19

Mbusa, Yoáni áomphekeaga Moamɛ Ɛlɔ́dɛ ka nyɔngɔ nde ɗámukí Ɛlɔdía, nka muna-amakɛ phɔtɔ na ka nyɔngɔ ájeɗe-jeɗe nde ɗági.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

Ɓalɔ́ma 6:21

Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

Ɓagalatía 6:8

Aoɓá nkpa n'akonanigi ka ɓeana na mɔphɛ ájeɗe nɛkɛ, aɗunguande kukuwa. A gǎkɛ okonanaga ka ɓeana na Měma á Mokonga, aɗunguande enda á mɛyɔ.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaɛphɛ́sɔ 5:12

Nga, kema nde ɓakpa ndɔ ɓáogea ka ɓɔsɔmɛa, ande soni ka tɔ̌miaga í.

Ɓaɛphɛ́sɔ 5:7

Kaɓondɔ, ɓókóɓɛmbɛ tanda kimoci na ɓɔ.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

1 Ɓatɛsalɔníka 5:7

Nga, kǐpha aunge ɓakpa ɓáoɗa, ɓunɛngbo makana áɔ̌bɛɗa.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

1 Timɔtɛ́ɔ 5:20

Ɓunde ɓáogea ɓojeɗe, óphekeaga mosá á ɓakpa ka gea, ɓunɛngbo ɓáɓɛ phɔtɔ na kɔɓɔɓɔkɔ.

1 Timɔtɛ́ɔ 5:22

Nkpa aokonda ɓá mbɛɗanigi ka kanisa, kokamisɛgɛmbɛ bisa á njaga akɔ gǔ akɛ, kǒgamɛmbɛ ɓakpa ka ɓojeɗe nɛɓɔ. Oɓɛ sasakɔ, óamba kángá á ɓojeɗe.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

2 Timɔtɛ́ɔ 3:5

Ɓáɔɔnɛkana ka nsɛgɛ ɓea ɓakpa nde ɓáomɓánga Mokonga, na ɓáyé ndiu ɓukpɛkpɛ á Mokonga. Cɔ, óɓángisani na ɓakpa ndɔɔ.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Mphaniɔ 18:4

Mpɔ nɛ́ɔɔ́ka ɛsɔ nɛngbo n'aotóka na koba áogea: «Tókani ka ntanga-nji ndɔɔ ɓenu ɓakpa nɛmɔ ka gea te, ɓókoúphanɛmbɛ na ɓojeɗe nɛkɛ na kambekana na kema nde ankambande.