Ɓaɛphɛ́sɔ 4:9 - Ɔngana á Kɛ̌kɛ

⁹ Cɔ, ɓági: «ɗátái», nndɔ ana kantíti sina? Ande gea te, Kiísito ɗádidi phɔ́ mosá kusi á oɗo ka mokonda.

Ɓaɛphɛ́sɔ 4:9 Iomraidhean Croise

Matáyɔ 12:40

Cɔ, ɓea ɓíndɔ Yɔ́na ɗááɗe esa isaɔ keiphe n'esa suɓi á sɔphɔ á sú angbóngbó, a phɔtɔ ɓó unge Muna-Nkpa aáɗande esa isaɔ keiphe n'esa suɓi á oɗo.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Yoáni 3:13

Nga nna na nkpa nde atáimbɛ mɔnɔ na koba, tɔndɔ eme Muna-Nkpa, mmbé ɗédidi ka toka na koba.

Yoáni 6:33

Nga, mokati ndea Mokonga aunge aotóka na koba, áǒɓopha ɓato á ka mokonda enda.»

Yoáni 6:38

Nga, ɓî nedidi ka toka na koba, nna ka tɔtɔkisa á mɔphɛ nɛmɔ, a ndiu ka tɔtɔkisa á mɔphɛ á mmbé ɗámoteki.

Yoáni 6:41

Cɔ, Ɓayúda ɓáɔngɔngɔnɛaga Yéso ka nyɔngɔ nde ɗági: «Nende mokati nde atóki na koba.»

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Yoáni 6:58

Cɔ, ɔ́nani mokati nde ɗátóki na koba. Nna ɓíndɔ ɓatatanu ɗáɓáí ɓáokuwa. Mmbé a gǎkɛ oea mokati nde, aendande mɛyɔ.»

Yoáni 6:62

Cɔ, aɓande ɓo aoɓá na ɓɔɔmɔɔna eme, Muna-Nkpa na neotáia ɔma nde ɗétú mosá?

Yoáni 8:14

Yéso áǒsikisia te: «Nanga néɗigimisa nyɔngɔ nɛmɔ sasani, nnde nɛɔyɔnga, ande ɗoni. Nga, neoúba ɔma nde netóki na ɔma nde neoga. Cɔ, ɓenu gǎkɛ, ɓókóoúba ɔma nde netóki, na ɔma nde neoga.

Ɓaɛbulanía 2:7

Ka mbenɔ ábɔa, ɗóndidisi kusi á ɓamalaéka, ômopha ɓoombia na ɓokutú.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.