Ɓaɛphɛ́sɔ 4:32 - Ɔngana á Kɛ̌kɛ

³² Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓaɛphɛ́sɔ 4:32 Iomraidhean Croise

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Málikɔ 11:25

A phɔtɔ oɓá na ɓomame ka mɛma á Mokonga, na ɓona nyɔngɔ na nkpa, ímani ɓojeɗe nde ɓánogǐí ka gea te, Abanu mmbé á na koba áímɛ phɔtɔ ɓojeɗe nɛnu. [

Lóka 1:78

Nga, Mokonga nɛsu asókondi ka měma akɛ phɛɛ. Asóengi ɓea maní á kamɓimba ka toka na koba.

Lóka 11:4

Íma ɓojeɗe nɛsu nga, ɓesu sasasu ɓe phɔtɔ oíma ka ɓakpa ɓɔbu ɓojeɗe nde ɓasogǐí. Kosóɗeketɛmbɛ ka mbenɔ á tombaga.»

Lóka 17:4

Aoɓá n'aogi ájeɗe mɔngɔ ngianjaga iɓɛ (7) k'ésa moci, n'akosikíígi goto mɔngɔ ngianjaga iɓɛ (7) geae, neɓeeki ɓojeɗe nɛmɔ, cɔ, ônímia ú.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Lóka 6:37

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Ekuma á ɓateki 28:2

Ɓato á ka kesanga ndɔ, ɗáɓásógǐí ánjá phɛɛ. Ɓɔ, ɓáotoɓoa nsa, ɓáosódondanisa ɓesu ɓɔbu ka mpɛphɛ í nga, mbua ɗáɔɔka, phiɔ áoɓá phɛɛ.

Ɓalɔ́ma 12:10

Kóndanani ɓea ɓato á komunamema ɗoni, éɗokomisani ngǔngu anu.

1 Ɓakɔlítɔ 13:4

Nto ékondi ana měma á phiphia kema bui, ande nkpa nde aǒenga ɓakpa, nna na nsengo, nna ǒɗokomisa, nnaǒbeba.

2 Ɓakɔlítɔ 2:10

Aoɓá n'oími ɓojeɗe ndea nkpa, nê phɔtɔ oíma ú. Mbenɔ nde neoíma, aoɓá na nena ɓojeɗe nɛngbo ásii á íma í, neoíma ú ka nyɔngɔ anu mosá á Kiísito.

2 Ɓakɔlítɔ 2:7

Kaɓondɔ, ímani ye tɔ ɓojeɗe nɛkɛ, ɓómɔphɛ ɓukpɛkpɛ. Kaɓɛ na nna ɓó, mmbe ɓɛí nɛkɛ kásiɛku, ámbé nndɔ aduukisande měma akɛ.

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

Ɓaɛphɛ́sɔ 5:1

Ɓî ɓonde ɓaniki ékondi ndea Mokonga, akeni tambea anu ákengeanɛ na Yɛ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.

1 Yoáni 2:12

Ɓaniki amɔ, nenóɗundui ka nyɔngɔ nde, Mokonga aími ɓojeɗe nɛnu k'ína á Yéso Kiísito.