Ɓaɛphɛ́sɔ 4:30 - Ɔngana á Kɛ̌kɛ

³⁰ Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

Ɓaɛphɛ́sɔ 4:30 Iomraidhean Croise

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Lóka 21:28

Cɔ, kema ndɔ a ye okpanga tɔtɔkɛana, ikani ánjá, ɓómesiɛgɛ mɔ̌ anu. Nga, ɓoamia nɛnu a ye tɔ bíbí.

Yoáni 3:33

Mmbé aɓeeki nyɔngɔ nde aɗigimisi, aɓeeki phɔtɔ gea, Mokonga ande nto á ɗoni.

Ekuma á ɓateki 7:51

Cɔ, ɓenu ɓato á mɔ̌ akpɛ nde ca! Ɓawó á ka měma na ɓaɗaki-kecue nde ca! Esa bui ɓoopúa na Měma á kanga ɓojeɗe ɓíndɔ ɓatatanu ɗáɓátú ogea.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 15:54

Mbenɔ nde ɓakpa nde ɓá na nyama nde aophoa, ɓî ɓá ye na nyama á kɛ̌kɛ, na ɓunde ɓáokuwa ɓá ye na enda á mɛyɔ, wandɔ, nyɔngɔ á Ɓuku á Mokonga atɔtɔkɛanande ɓíndɔ ayɔngi: «Kukuwa así, Mokonga atɔki.

1 Ɓatɛsalɔníka 5:19

Ɓókóimisiɛ mɔnɔ ekuma ndea Měma á kanga ɓojeɗe.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 3:10

ka ɓasaga nkama gena (40). Ka nyɔngɔ índɔ unge ɗɛ́ɓɛi ka phɔa ɓakpa ndɔ néogea: ‹Kanisia á ka měma aɓɔ aǒɓúngisaga esa bui. Ɗáɓáyé gǎkɛ ɓeá aphe ndeamɔ.›

Ɓaɛbulanía 3:17

Ɓaani ɓunde Mokonga ɗéɛɓɛ̌i ka ɓasaga nkama gena (40)? Ɗéɛɓɛ̌i tɔ ɓakpa nde ɗáɓági ɓojeɗe, mǒnda aɓɔ áogua ka nkanda.