Ɓaɛphɛ́sɔ 4:3 - Ɔngana á Kɛ̌kɛ

³ Suiani ika suɓi á ɔngana nde Měma á kanga ɓojeɗe aobikisa ka ɓujɛjɛ nde anójúkanisi.

Ɓaɛphɛ́sɔ 4:3 Iomraidhean Croise

Málikɔ 3:24

Nga aoɓá ɓakpa á ka koɓoamɛ moci na ɓákatanigi ngǔngu aɓɔ, koɓoamɛ ndɔ kámɛku.

Yoáni 13:34

Nenophi ɛɔphi á kɛ̌kɛ: kondanagani. Ɓindɔ eme ɗénokondi, ɓenu kondanagani phɔtɔ ɓó.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

1 Ɓatɛsalɔníka 5:13

Óɗokomisani, ókondagani ka nyɔngɔ ékuma nɛɓɔ k'ína á Mɔkɔta. Ikani ka ɓujɛjɛ sɔsɔɓɛ anu.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.