Ɓaɛphɛ́sɔ 4:28 - Ɔngana á Kɛ̌kɛ

²⁸ Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

Ɓaɛphɛ́sɔ 4:28 Iomraidhean Croise

Lóka 19:8

Kaɓondɔ, Jakáyɔ áomama mosá á Mɔkɔta, áongoɗea ɓe: «Mɔkɔta! Kɛ̌kɛnde, nebǒsani nkumba nɛmɔ ka měme, néǒɓopha ɓato á ɓuyɛnɛ phaeka ímoci. Akoɓá na ɗɛ́bɛɗi nkumba ndea nkpa ka maibe, néonsikisia mɔngɔ gena.»

Lóka 3:8

Tɔtɔkisani pɛ ekuma ánjá ka úbisa gea ɓokěti ye tambea anu ájeɗe. Ɓókóikiɛmbɛ égea sasanu te, tatasu ande Abalaámu. Cɔ, nenóngoɗi gea, Mokonga ana ɓukpɛkpɛ á gaía á ɓ'ɛtɛ nde, áomesia ɛɓɔkɔti ndea Abalaámu.

Yoáni 12:6

Ɗákáyɔngi gǎkɛ ɓó ka nyɔngɔ á ngomi á ɓaúki, ɗátú ndiu ka nyɔngɔ nde ɗátú nkukuɓa. Yɛ, aámbé ɗáokumbaga njombi á imɔna, na bɛɗa kau ka phɔakɛ sasakɛ.

Yoáni 13:29

Ɓî Yúda aámbé ɗáoambaga imɔna, ɓagoigi ɓuangbo ɓáokanisia te, Yéso ɗángoɗi ágɛ sombɛ kema nde akeni ka jaí, kaɓɛ nnde akeni phɔtɔ ka opha á ɓaúki.

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

1 Ɓakɔlítɔ 4:12

Ɓɛɔbɛɗanaga akpɛ phɛɛ na njaga asu sasasu. Mbenɔ nde ɓakpa ɓáosóbóma, ɓê gǎkɛ ǒbisia njaga. Mbenɔ nde ɓakpa ɓáosótambisaga, ɓê gǎkɛ odakana.

2 Ɓakɔlítɔ 8:12

Nga, aoɓá na ɓobisi mɔphɛ ánjá, Mokonga aɓeekeande kema nde ɓogabi, ka ɓeana na nnde nkpa aně, nna gǎkɛ k'índe nkpa nna ně.

2 Ɓakɔlítɔ 8:2

Nanga ɓî ɓaɓêki ndɔ ɗáɓáotambaga, ɓâ tɔ oɓá na maseye phɛɛ suɓi í. Nanga ɓî ɗáɓátú ɓato á ɓuyɛnɛ, ɗáɓátú ogaba phɛɛ.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.