Ɓaɛphɛ́sɔ 4:26 - Ɔngana á Kɛ̌kɛ

²⁶ Kaɓɛ na ɓɔɓɛí, ɓɛí ndɔ kanóngisɛmbɛ mɔnɔ ka ɓojeɗe na ɓókómakɛmbɛ esa suɓi á ɓɛí kau.

Ɓaɛphɛ́sɔ 4:26 Iomraidhean Croise

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 10:14

Yéso aɔni ye ɓó áɔɓɛa, áǒngoɗea te: «Óɗeketani ɓaniki ɓábɔbɔa ɓábikɛ mɔtɛ-amɔ. Ɓókǒimisiɛmbɛ nga, koɓoamɛ ndea Mokonga a ndiu á ɓakpa ɓunde ɓá ɓea ɓaniki.

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Yakɔ́ɓɔ 1:19

Ɓadani ékondi, kanisiani phɔ́ nyɔngɔ ndee: Ambe nkpa buakɛ, áɓɛ aphǒ ka ɔ́kapha. Áɓɛ gǎkɛ aɗǒ ka yɔnga na ka ɓɛá.

Yakɔ́ɓɔ 1:20

Nga, nto á esúia nnaɔtɔtɔkisa koɗoni mosá á Mokonga.