Ɓaɛphɛ́sɔ 4:24 - Ɔngana á Kɛ̌kɛ

²⁴ Mpɔ, ɓóoɓá ɓea ɓakpa na ɓáɔ́li bɔngɔ á kɛ̌kɛ, ɓunde Mokonga ɗáeconji na ɓákengeani na Yɛ ka gea te, ɓáɓɛ ɓato á koɗoni na kángá ɓojeɗe ka ɓeana na ɗoni.

Ɓaɛphɛ́sɔ 4:24 Iomraidhean Croise

Lóka 1:75

ɓéɓɛ na ɓonjánja na koɗoni mosá akɛ ka enda asu bui.

Yoáni 17:17

Ósokosea ka koɗoni, nyɔngɔ nɛkɔ aunge ande ɗoni, ɓéyameɛ ka phɔa akɔ ka ɗoni.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

1 Ɓakɔlítɔ 15:53

Nga, nyama nde aphoande, akeni áɓɛ nnde nnaophoa. Nyama nde aokuwa, aɓande na enda á mɛyɔ.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓagalatía 3:27

Kaɓondɔ, ɓenu ɓɔbu ɓunde ɗóɓojúkani na Kiísito k'óɓatisɔ, tambea anu akengeani ye tɔ na yɛ.

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaɛphɛ́sɔ 6:11

Ɔ́lani nkumba émani nde Mokonga abikisi. Mpɔ, ɓóǒsimbia ka tombaga ndea Nketi.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 1:8

Ka phɔa Miki ndeakɛ, Mokonga áɔyɔnga ndiu gea: «Oo! Mokonga! Kankaanga á koɓoamɛ ndeakɔ aɓande ka saga na saga. Ɔbɛɗanagande na motumbɔ á koɓoamɛ ndeakɔ ka koɗoni.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

2 Pɛ́tɛɛ 1:4

Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.