Ɓaɛphɛ́sɔ 4:22 - Ɔngana á Kɛ̌kɛ

²² Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaɛphɛ́sɔ 4:22 Iomraidhean Croise

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 7:11

Nga, ka nyɔngɔ ɛ́ɔphi aunge ɓojeɗe atɔí aphe á demaga ani. Ka nyɔngɔ ɛ́ɔphi phɔtɔ aunge ɓojeɗe atɔí aphe á mowa ani.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

Ɓagalatía 1:13

Nga, ɗɔ́ɓɔɔ́ki na ɓáonóngoɗea ka nyɔngɔ á tambea ani ɓî ɗé phɔ́tɔ k'ésomba ndea Ɓayúda. Ɗɔ́ɓɔɔna ɓî ɗétúotambisaga kanisa ndea Mokonga phɛɛ na káɓa túkatúka í.

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaɛphɛ́sɔ 4:25

Kaɓondɔ, ɗeketani yɔnga á mbɛa. Ambe nkpa na nkpa án'yɔngɛɛ dakɛ nyɔngɔ á ɗoni nga, ɓesu ɓɔbu, ɓende gbútuka á nyama á Kiísito.

Ɓaɛphɛ́sɔ 4:31

Ɓókóbisɛmbɛ suɓi á měma anu ɓojeɗe bui nde ɓánogǐí. Ɓókóɓɛmbɛ na esúia, ɓɛí, ntaɓo na mbóma. Sagani ɓojeɗe bui.

Ɓakɔlɔsái 2:11

Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Ɓaɛbulanía 3:13

Gbagisanagani ndiu ka měma esa bui, ka mbenɔ nde «Kesande» a phɔ́tɔ ɓei ɓea ɓî Ɓuku á Mokonga ayɔngi ka gea, ka ɓenu moci ɓojeɗe kanɗakɛmbɛ měma na demaga akɛ.

Yakɔ́ɓɔ 1:21

Kaɓondɔ, tókisani kema nde aɔjɔɔkisa měma na kokae ásii bui nnde ɓoně. Ɓeekeani ndiu na édidisa nyɔngɔ nde Mokonga akoni ka měma anu nga, nndɔ ana ɓukpɛkpɛ á amisa anu ka měma.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

1 Pɛ́tɛɛ 1:18

Cɔ, ɓooúba etéte á ophendɔ nde Mokonga ɗáphendi ka phɔa anu ka tokisa anu ka tambea á jǎi-jǎi nde ɓatatanu ɗáɓánoɗeketei. Ɗákági ɓó na kema nde aoújukana ɓea, láté na imɔna.

1 Pɛ́tɛɛ 4:3

Eya, kala, ɗɔ́ɓɔtɔtɔkisi ka mbenɔ ásii mɔphɛ á ɓakpa nde ɓákáomúba Mokonga. Tambea anu ɗátú á ɓato á mambɔ, mɔphɛ ájeɗe, ɛbɛɗi á makana, osǎ, ɓoita á makana phɛɛ na ɗokomisa á ɓamokonga á mbɛa.

2 Pɛ́tɛɛ 2:13

Ophendɔ nɛɓɔ aɓande tambaga ka nyɔngɔ á ɓojeɗe nde ɗáɓági. Ɓána maseye ka tɔtɔkisa base mɔphɛ nɛɓɔ ájeɗe somani. Mbenɔ nde ɓooɓá na ɓɔ ka jaí, ɓáoɓá na maseye ka dema anu, kiɗia aɓɔ ka ɔlɔ anu ande kema á soni na kema á jɔɔkisa á měma.

2 Pɛ́tɛɛ 2:7

Mokonga ɗánamisi gǎkɛ Lɔ́ti, nto á koɗoni mmbé ɗáotambaga ka měma phɛɛ ka nyɔngɔ á tambea ájeɗe ndea ɓato á ka ntanga-nji ndɔɔ.