Ɓaɛphɛ́sɔ 4:18 - Ɔngana á Kɛ̌kɛ

¹⁸ na úbapha aɓɔ a tɔ suɓi á kaiphiɔ. Ɓáná na ɔma ka enda nde Mokonga aobikisa nga, ɓánde ɓasɔngɔɗa na ɓá na měma akpɛ.

Ɓaɛphɛ́sɔ 4:18 Iomraidhean Croise

Matáyɔ 13:15

Nga, ɓakpa nde ɓána měma akpɛ. Ɓáɗaki kecue aɓɔ, ɓáími iso aɓɔ ka gea, ɓákaɔnaphɛmbɛ ně, ɓákaɔ́kaphɛmbɛ na kecuɛ, ɓákákondi bisa á měma aɓɔ ka engekisa á nyɔngɔ. Ɓákákondi kětia á tambea aɓɔ ámbé ka gea néeamisɛ.›

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Yoáni 12:40

ɗáebisi ɓakeíme-íme, â phɔtɔ obisa měma aɓɔ akpɛ ka gea, ɓákaɔnaphɛmbɛ, ɓákaúbaphɛmbɛ. Ka nyɔngɔ índɔ unge Mokonga ɗági gea, ɓákaepháiɛmbɛ kuɓî nɛɔ, ka gea te, néamisɛ.

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ekuma á ɓateki 3:17

Cɔ, ɓaya, neoúba te, ɓenu na ɓakɔta nɛnu, ɗóɓogi ɓojeɗe ndɔ ka kobóbó.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 11:7

A ɓo? Kema nde Ɓaisilaɛ́li ɗáɓáokáɓa, ɗáɓákátɔi ú. Ɓunde gǎkɛ Mokonga ɗáɛsɔmbu ɓáɔtɔa ú. Ɓuangbo gǎkɛ, ɗáɓákátɔki engekisa.

Ɓalɔ́ma 2:19

Oɓeeki ɗoni gea onde nsɔndɔi á ɓakeíme-íme, na owanga ka ɓunde ɓá suɓi á kaiphiɔ.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

2 Ɓakɔlítɔ 3:14

Cɔ, kanisia aɓɔ áosia na ka kesande. Mbenɔ nde ɓáotanga ɓuku á ɔngana á kala, bɔngɔ ndɔ â tɔ oika wa. Bɔngɔ ndɔ ɓáphúiande tɔ ka nkpa nde aɔngani na Kiísito.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓagalatía 4:8

Cɔ, ɓî ɗóɓókótúomúba Mokonga mosá, ɗóɓotú ɓakɔɓɛ á ɓamokonga á mbɛa. Ɓamokonga ndɔ ɓáná á ɗoni.

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓakɔlɔsái 1:21

Kala, ɓenu gǎkɛ ɗóɓotú ɗanga na Mokonga, ɓóoɓá ɓaɓiɓia akɛ ka nyɔngɔ á úbapha anu na tambea anu ájeɗe.

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.

Ɓaɛbulanía 9:7

Cɔ, ngbɛga á ɓatoɓeigi-phɛ́a tɔ aámbé a ndiu ongia suɓi á ɔma á ko iɓɛ mɔngɔ ímoci ka saga moci. Yɛ, nnaobika mosá á Mokonga kángá magia á nyama k'ɔ́phɛ́ɔ á ka phɔakɛ sasakɛ, phɔtɔ ka phɔa á ɓojeɗe nde ɓakpa ɓági kángá úba í.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

1 Pɛ́tɛɛ 1:14

Mɔ́kani Mokonga ɓíndɔ ɓaniki ɓáɔ̌ɓɔ́ka ɓaɓɔkɔti aɓɔ, ɓókóɓeɛmbɛ mɔphɛ nɛnu á kala mbenɔ nde ɗóɓokóoúba nyɔngɔ á Mokonga.

1 Yoáni 2:11

Mmbé ankangei gǎkɛ muna-amakɛ, a ka keiphe. Aotamba suɓi í kángá á úba ɔma nde aoga nga, kaiphiɔ aɗaki iso akɛ.