Ɓaɛphɛ́sɔ 4:16 - Ɔngana á Kɛ̌kɛ

¹⁶ Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓaɛphɛ́sɔ 4:16 Iomraidhean Croise

Yoáni 15:5

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Ɓalɔ́ma 12:4

Nyama á nkpa a tɔ mo, a gǎkɛ na gbútuka ásii. Gbútuka ndɔ bui nna gǎkɛ tɔ ɔbɛɗanaga ekuma moci.

1 Ɓakɔlítɔ 10:17

Nga, mokati ndɔ a tɔ moci. Nanga ɓéɓika, ɓe tɔ nkpa moci ka nyama. Nga, ɓe tɔ ogabisanaga mokati ndɔ moci.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 8:1

Ɓeoúba gea, ka nyɔngɔ á nyama ɔ́phɛ́ɔ ka ɓamokonga á mbɛa: «Ɓesu ɓɔbu ɓena úbapha ka nyɔngɔ ndɔɔ», ɓíndɔ ɓɔɔyɔnga. Úbapha ndɔ, aomopha nkpa ébeba. Ekondi a gǎkɛ ǒgbagisaga ɓakpa ka měma.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaɛphɛ́sɔ 3:7

Ne ye tɔ mbɛɗanigi á tɔ̌miaga Mbino-Ánjá ndea Mokonga, k'égabɔ á ɓonjánja-ékondi nɛkɛ na ɓukpɛkpɛ nɛkɛ.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓaɛphɛ́sɔ 4:15

A gǎkɛ oɓá na ɓɛɔyɔnga nyɔngɔ á ɗoni n'ekondi, ámbé ɓɛmɔtande ka kema bui na engimiana na Kiísito mmbé ande mɔ̌.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 4:16

Ɓesu, ɓeúbi na ɓeekea gea, Mokonga asókondi. Yɛ, ande ekondi. Nkpa nde ana ekondi ka enda akɛ, aiki suɓi á Mokonga na Mokonga áoika suɓi akɛ.