Ɓaɛphɛ́sɔ 4:14 - Ɔngana á Kɛ̌kɛ

¹⁴ Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaɛphɛ́sɔ 4:14 Iomraidhean Croise

Matáyɔ 11:7

Ɓî ɓagoigi ndea Yoáni ɓásikianigi, Yéso áokpanga yɔnga ka phɔa Yoáni ka usɛsɛ á ɓakpa ɓe: «Eke nde ɓotóge kɔɔnjia ka nkanda? Manganga nde maphopho aoɗengisa?

Matáyɔ 24:11

Ɓaɔtu-nyɔngɔ á mbɛa ɓásii ɓákiɗianande, ɓáǒdema ɓakpa ɓásii.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Ekuma á ɓateki 23:21

Kóɓeekeɛmbɛ gǎkɛ nyɔngɔ nɛɓɔ nga, ɓuangbo ɓɛ́sɔmɛani k'aphe, ɓányɛ́nyi nkama gena (40). Ɓánu esomba gea, ɓákáeɛgɛku na noa na ɓákámowembɛ Pɔ́lɔ. Cɔ, kɛ̌kɛnde ɓá ye ěɓɔngisigi ka kema bui, ɓáɓondi ye tɔ moangɔ nɛkɔ.»

1 Ɓakɔlítɔ 12:2

Ɓooúba gea, mbenɔ nde ɗóɓókómúbimbɛ Mokonga, nyɔngɔ á ɓamokonga á mbɛa ɓunde ɓánáɔyɔnga, ɗátúonóɓotea na ɓúngisaga anu.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 3:19

Nga, kɔɓɔɔngɛ ndea ka mokonda nde, ande kobóbó mosá á Mokonga. Cɔ, ɓáɗundu suɓi á Ɓuku á Mokonga ɓe: «Mokonga aǒkoɗa ɓato á kɔɓɔɔngɛ ka mɛ̌kɔ nɛɓɔ sasaɓɔ.»

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓaɛphɛ́sɔ 6:11

Ɔ́lani nkumba émani nde Mokonga abikisi. Mpɔ, ɓóǒsimbia ka tombaga ndea Nketi.

1 Timɔtɛ́ɔ 3:6

Kaɓɛmbɛ mokiísito á kɛ̌kɛ, ámbé aebebande, mbusa í, Mokonga áotena nyɔngɔ nɛkɛ akpɛ ɓíndɔ á nketi.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Yakɔ́ɓɔ 1:6

Ámɛmɛ ndiu ú na měma á ɓeekea, kángá á ngǎka. Nga, mmbé ana ngǎka, ande ɓea kɛtɛmbɔ á iɓo k'óɓenge, nnde maiphianɔ aoémisaga nci gbɔgbɔ.

Yakɔ́ɓɔ 3:4

A phɔtɔ ɓea koko ka iɓo. Nanga ángbóta, maiphianɔ n'aotiɓaga, ɓásɔndɔa tɔ ú na nkái ka gǎ ně nci nde mɔɓi akondi.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.

1 Yoáni 2:26

Cɔ, nenóɗundui ɓoabi nde ka nyɔngɔ á ɓunde ɓáokáɓa dema anu.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Yúda 1:12

Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.