Ɓaɛphɛ́sɔ 4:11 - Ɔngana á Kɛ̌kɛ

¹¹ Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓaɛphɛ́sɔ 4:11 Iomraidhean Croise

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Ekuma á ɓateki 13:1

Ka kanisa ndea ka Antiɔkía ɗátú na ɓaɔtu-nyɔngɔ ndea Mokonga na ɓagoisigi. Ina á ɓɔ aungee: Baanába, Simɔ́ni (mmbé ɗáɓátú ɔmɔphana nto á koínda), Lukíɔ (nto á ka Kuɛ́nɛ), Saúlɔ na Manaɛ́ni (mmbé ɓámɔtɛani na Moamɛ Ɛlɔ́dɛ.)

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 21:8

Mama í gǎkɛ, ɓɛ́ɔmɛɛa, ɓéojua na Kaisalía, ɓéongia k'éndu ndea ntɔmigi-Mbino-Ánjá Philípɔ, ɓéoika mɔtɛ-akɛ. Ɗátú ka ɓabɛɗanigi ngianjaga iɓɛ (7) ɓundɔ ɗáɓɛ̌sɔmbu na Yɛusalɛ́ma.

Ɓalɔ́ma 12:7

Kaɓɛ n'ande ebigɔ á bɛɗanaga, ábɛɗanɛgɛ nɛkɛ, kaɓɛ n'ande ebigɔ á goisaga, ágoisɛgɛ nɛkɛ.

1 Ɓakɔlítɔ 12:4

Cɔ, Měma á kanga ɓojeɗe a tɔ mo. Yɛ gǎkɛ tɔ aámbé aogaba egabɔ ɗanga-ɗanga.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓaɛphɛ́sɔ 4:8

Ɓuku á Mokonga ayɔngi ɓe: «Ɓî ɗátái k'égo phɛɛ, ɗáɛbɛɗi ɓato á mekakɔ, ɗáeɓophi ɓakpa egabɔ.»

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

Ɓaɛbulanía 5:12

Ka nyɔngɔ nde ɓo ye nyɛ́nyisi mbenɔ ásii phɛɛ, atókeni ɓóɓɛ ɓagoisigi. Nanga áɓá ɓó, ɓo phɔtɔ na siki á goisaga anu nyɔngɔ abɔbɔbɔa á ɓɔphɛi ndea Mokonga. Ɓo phɔ́ goto tɔ na siki á unga, nna ndiu opha anu eea akpɛ

Yúda 1:17

Cɔ, ɓenu gǎkɛ, ɓadani ékondi, kanisiani phɔ́ nyɔngɔ nde ɓateki ndea Mɔkɔta ndeasu Yéso Kiísito ɗáɓáyɔngi kala.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 21:14

Ɗáɓáphɛ̌ki moguɓɔ á ntanga-nji ndɔ gǔ á ɛtɛ nkama na iɓɛ (12) nnde ɗáɓáɗundu gǔ í, ina á ɓateki nkama na iɓɛ (12) ndea Muna-mɔgɔgɔ.