Ɓaɛphɛ́sɔ 4:10 - Ɔngana á Kɛ̌kɛ

¹⁰ Cɔ, mmbé ɗádidi, yɛ tɔndɔ aámbé ɗátái phɔtɔ gǔ phɛɛ na koba ka gea, átúmisɛ mokonda bui.

Ɓaɛphɛ́sɔ 4:10 Iomraidhean Croise

Matáyɔ 24:34

Nenóngoɗi ɗoni gea, ɛɓɔkɔti nde kásiɛku kema ndɔ bui na kákiɗianimbɛ.

Lóka 24:44

Mpɔ Yéso áǒngoɗea ɓagoigi nɛkɛ te: «Ɓɔɔni nyɔngɔ nde ɗénóngoɗi na ne phɔ́tɔ na ɓenu gea: Ambe kema bui nde ɗáɓáɗundu ka phɔani suɓi á ɓuku ndea Mósa, nnde á ɓaɔtu-nyɔngɔ ndea Mokonga na nnde á Jabúi átɔtɔkɛanɛ.»

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Yoáni 19:24

Kaɓondɔ, ɓato émani ɓáɔyɔngaga sɔsɔɓɛ aɓɔ te: «Ɓɛ́ɓɛtɛni ndiu ɓana-mɛlɔɛ ka phɔa nkanjo ndee, ka úba á nkpa sina abɛɗande.» Ka gea, nyɔngɔ nde a suɓi á Ɓuku á Mokonga átɔtɔkɛanɛ ɓe: «Ɗáɓákatisanigi bɔngɔ nɛmɔ sɔsɔɓɛ aɓɔ, ɓâ phɔtɔ ɔɓɛta ɓana-mɛlɔɛ ka phɔa bɔngɔ-éndǎ nɛmɔ.» Ɓondɔ unge ɓato émani ɗáɓági.

Yoáni 19:28

Mbusa índɔ, Yéso áoengekisa gea, moangɔ bui así. Ka gea ɓoabi nde a suɓi á Ɓuku á Mokonga átɔtɔkɛanɛ, áogea: «Neku n'ɛnyɔta.»

Yoáni 19:36

Cɔ, kema ndɔ bubui atɔtɔkɛani tɔ ɓíndɔ ɗáɓáɗundu suɓi á Ɓuku ndea Mokonga gea: «Ɓákáɓunɛeka ka nkua akɛ.»

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

Ekuma á ɓateki 1:9

Mbusa á yɔnga akɛ ɓó, Mokonga áontáisisa Yéso na koba. Ɓateki na ɓá phɔ́tɔ kɔɛnjia na koba, egugu áomɓómba, ɓákámɔnɛ ye.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

2 Ɓakɔlítɔ 12:2

Mokonga ɗántáisi mǒko moci mmbé ɗáɔngani na Kiísito n'ego phɛɛ, a ye ɓasaga nkama na gena (14). Mokonga ɗántáisi na koba na nyama akɛ? Kaɓɛ kángá nyama akɛ? Kéoúba, Mokonga sasakɛ aámbé aoúba.

Ɓaɛphɛ́sɔ 3:19

Ɓoúbande ekondi nde anyɛ́nyi úbapha bui na ɓɔtɔande enda bui ndea Mokonga na aikande buakɛ suɓi anu.

Ɓakɔlɔsái 1:19

Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.