Ɓaɛphɛ́sɔ 3:5 - Ɔngana á Kɛ̌kɛ

⁵ Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓaɛphɛ́sɔ 3:5 Iomraidhean Croise

Matáyɔ 13:17

Nenóngoɗi ɗoni gea, ɓaɔtu-nyɔngɔ ndea Mokonga ɓásii na ɓato á koɗoni ɓásii, ɗáɓákondi ɔna á kema nde ɓɔɔna ɗáɓákáɔni, na ɔ́ka á nyɔngɔ nde ɓɔɔ́ka, ɗáɓákáɔ́ki gǎkɛ.»

Matáyɔ 20:7

Ɓáonsikisia gea: ‹Ka nyɔngɔ nde nkpa kásongisi k'ékuma.› Áǒngoɗea: ‹Cɔ, ɓenu phɔtɔ, gǎni ɓɔ́bɛɗanɛgɛ ka ciko nɛmɔ á mujabíbu.›

Matáyɔ 23:34

Kaɓondɔ unge ɔ́kani phɔ́: Nenótekisiande ɓaɔtu-nyɔngɔ ndea Mokonga, ɓato á kɔɓɔɔngɛ na ɓaɗundu-ɛɔphi. Ɓǒmande ka ɓɔ, ɓɔ́ɔ̌kɔkɛaga ɓuangbo gǔ á moyangɔ. Ɓǒɓindande ɓuangbo k'éndu á madondanɔ ndea Ɓayúda ka nyɔngɔ á Mokonga na ɓeaga aɓɔ ntanga-nji ka ntanga-nji.

Lóka 10:24

Negie, ɓaɔtu-nyɔngɔ ndea Mokonga ɓásii na ɓaamɛ, ɗáɓátú na siki á ɔna á kema nde ɓɔɔni, ɓákáɔnɛ. Na ɔ́ka á kema nde ɓɔɔ́ki, ɓákáɔ́kɛ.»

Lóka 11:49

Nyɔngɔ ndɔ ungɔ Mokonga aengekisi ka kɔɓɔɔngɛ nɛkɛ: ‹Nětekisiande ɓaɔtu-nyɔngɔ nɛmɔ na ɓateki. Ɓémande ka ɓɔ na tambisaga á ɓunɛngbo.›

Yoáni 14:26

Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi.

Yoáni 16:13

Mbenɔ nde yɛ Měma á ɗoni abikande, anɔsɔndɔɛande k'aphe á ɗoni bui. Káyɔngɛku ka kɔkɔta nɛkɛ sasakɛ, nyɔngɔ bui nde aɔ́kaeka mɔtɛ á Abɛ, a ndiu unge anɔtɔmiande. Anɔtɔmiande nyɔngɔ nde abikaeka.

Ekuma á ɓateki 10:28

Aǒngoɗea te: «Ɓooúba gea, ɛɔphi á esomba nɛsu Ɓayúda, aimisí ɛmbana na nto á k'ékuna nɛngbo phɔtɔ na ngia k'éndu nɛkɛ. Mokonga ɗámophangi gǎkɛ gea, kákeni nɛmɔnɛ ka nkpa ɓea nto á ɓɔjɔɔkiɔ na ótaɔ.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

2 Pɛ́tɛɛ 3:2

Kanisiani nyɔngɔ nde ɓaɔtu-nyɔngɔ ndea Mokonga ɗáɓánógoisigi ka phɔa Mɔkɔta na Namisi.

Yúda 1:17

Cɔ, ɓenu gǎkɛ, ɓadani ékondi, kanisiani phɔ́ nyɔngɔ nde ɓateki ndea Mɔkɔta ndeasu Yéso Kiísito ɗáɓáyɔngi kala.