Ɓaɛphɛ́sɔ 2:4 - Ɔngana á Kɛ̌kɛ

⁴ Mokonga a gǎkɛ na ngomi ka ɓesu phɛɛ, ka nyɔngɔ ékondi ángbó nde ɗásókondi ně.

Ɓaɛphɛ́sɔ 2:4 Iomraidhean Croise

Lóka 1:78

Nga, Mokonga nɛsu asókondi ka měma akɛ phɛɛ. Asóengi ɓea maní á kamɓimba ka toka na koba.

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,