Ɓaɛphɛ́sɔ 2:3 - Ɔngana á Kɛ̌kɛ

³ Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaɛphɛ́sɔ 2:3 Iomraidhean Croise

Málikɔ 4:19

Nyɔngɔ ndɔ kaɓɛ na ɔma suɓi aɓɔ, ka nyɔngɔ á ianaga á kema á ka mokonda. Ɓá gǎkɛ ǒdemisaga n'ɛtɔi na konda kema ɗanga-ɗanga. Nndɔ bui áophiphisa Nyɔngɔ á Mokonga suɓi aɓɔ. Kagɔmbɛ ye.

Yoáni 1:13

Ɓakpa ndɔ, ɓánáoɓá ɓana-Mokonga ka nyɔngɔ á ɓɔkɔtɛana ɓea nkpa buakɛ á ka mokonda ndee, nndɔ á kokpa, ɓáɓɔkɔtɛani ndiu k'ékondi ndea Mokonga.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ekuma á ɓateki 14:16

Ka matú nde ɗányɛ́nyi, Mokonga ɗáɗeketi ekuna bui ɓáɓeɛ aphe nde ɓákondi.

Ɓalɔ́ma 1:24

Ka nyɔngɔ índɔ unge Mokonga ɗěɗeketi ɓáɓeɛ mɔphɛ ájeɗe á ka měma aɓɔ, ka jɔɔkisa nyama aɓɔ sasaɓɔ ngǔngu aɓɔ.

Ɓalɔ́ma 11:30

Cɔ, kala, ɗóɓókótú ɔmɔ́ka Mokonga, kɛ̌kɛnde gǎkɛ anokui ngomi ka nyɔngɔ nde Ɓayúda ɗáɓákámɔ́ki.

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 2:14

Ɓî ɓakpa nde ɓáná Ɓayúda měma aɓɔ aǒteka ka tɔtɔkisa á kema nde ɛɔphi asosi nanga ɓánáoúba ɛɔphi ndea Mósa, ɓɔ, ɓána ɛɔphi ndɔ suɓi aɓɔ, nanga ɓáká ně.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 5:9

Kɛ̌kɛnde, Mokonga asótangi ye ɓato á koɗoni ka nyɔngɔ á magia ndea Yéso, nndɔ aúbisi base gea, yɛ asóamisande k'ésúia ndea Mokonga.

Ɓalɔ́ma 6:12

Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 7:18

Nga, neoúba nna na kema ánjá nde aiki suɓi ani, ande gea, k'etéte ani á kokpa. A tɔ ɓó nga, nena mɔphɛ á tɔtɔkisa á kema ánjá nde a suɓi ani, ké gǎkɛ ɔtɔka tɔtɔkisa í.

Ɓalɔ́ma 9:22

Cɔ, Mokonga ɗákondi ɔnisa esúia na ɓukpɛkpɛ nɛkɛ. Ɗá gǎkɛ na měma á phiphia phɛɛ ka ɓakpa nde ɗákeni áɛ́ɓɛ̌ɛ na tena á nyɔngɔ nɛɓɔ akpɛ.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓakɔlɔsái 1:21

Kala, ɓenu gǎkɛ ɗóɓotú ɗanga na Mokonga, ɓóoɓá ɓaɓiɓia akɛ ka nyɔngɔ á úbapha anu na tambea anu ájeɗe.

1 Ɓatɛsalɔníka 4:13

Ɓaya, ɓekondi gea, ɓóengekisɛ ɗoni nyɔngɔ á ɓakpa nde ɗáɓásí. Ande gea, ɓókoɓɛ mɔnɔ na ɓɔmbɛ ɓea ɓakpa na ɓáná na nseɓeɔ.

1 Ɓatɛsalɔníka 5:6

Kaɓondɔ, ɓókoyengiɛmbɛ. Koɗani ndiu iso, ɓóɛngɛphɛ.

1 Timɔtɛ́ɔ 6:9

Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

1 Pɛ́tɛɛ 1:14

Mɔ́kani Mokonga ɓíndɔ ɓaniki ɓáɔ̌ɓɔ́ka ɓaɓɔkɔti aɓɔ, ɓókóɓeɛmbɛ mɔphɛ nɛnu á kala mbenɔ nde ɗóɓokóoúba nyɔngɔ á Mokonga.

2 Pɛ́tɛɛ 2:14

Ɓána iso-iso phɛɛ, ɓáká tanda kɔɛla na gea á ɓojeɗe. Ɓáǒdema ɓakpa nde ɓákákákámani ka ɓeekea. Měma aɓɔ atúmi na mɔphɛ ájeɗe á tɔá kema bubui. Mokonga aɛsɛmɛigi.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

1 Yoáni 2:16

Nga, kema bui á ka mokonda, kaɓɛ mɔphɛ á tɔtɔkisa siki á ka nyama, konda nnde iso aɔni, ébeba na kema á ka mokonda, nndɔ bui nnaotóka mɔtɛ á Abɛ, a ndiu otóka ka mokonda.

1 Yoáni 2:8

Ɛɔphi nde nenóɗundui ande gǎkɛ tɔ á kɛ̌kɛ, nnde ɗoni í aɔnɛkani base suɓi á Kiísito na suɓi anu nga, kaiphiɔ age, owanga á ɗoni a ye ɔbɛnya.