Ɓaɛphɛ́sɔ 2:20 - Ɔngana á Kɛ̌kɛ

²⁰ Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 2:20 Iomraidhean Croise

Matáyɔ 16:18

Eme neongoɗi gǎkɛ ɓe: Onde Pɛ́tɛɛ, na gǔ á ɛtɛ ndee, aunge nɛphɛkande kanisa nɛmɔ, ɓukpɛkpɛ á kukuwa kágeɛku ú na ka kema.

Matáyɔ 21:42

Mpɔ Yéso áǒgea te: «Ɓókótangimbɛ mɔnɔ suɓi á Ɓuku á Mokonga? ‹Ɛtɛ nde ɓaphɛki ɗáɓámaki, aunge a ye tɔ na kantíti. Nndɔ atóki mɔtɛ á Mɔkɔta, n'ande ketangaɔ ka ɓesu!›

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

1 Pɛ́tɛɛ 2:6

Ka nyɔngɔ nde Ɓuku á Mokonga ayɔngi ɓe: «Ɗɛ́sɔmbu ɛtɛ á kantíti phɛɛ, nnde nebisande suɓi á Sayúni ɓea ɛtɛ nde aosúkia mɔphɛkɔ. Mmbé aomɓeekea, kákuwɛeka tanda na soni.»

Mphaniɔ 21:14

Ɗáɓáphɛ̌ki moguɓɔ á ntanga-nji ndɔ gǔ á ɛtɛ nkama na iɓɛ (12) nnde ɗáɓáɗundu gǔ í, ina á ɓateki nkama na iɓɛ (12) ndea Muna-mɔgɔgɔ.