Ɓaɛphɛ́sɔ 2:18 - Ɔngana á Kɛ̌kɛ

¹⁸ Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

Ɓaɛphɛ́sɔ 2:18 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Ɓaɛphɛ́sɔ 3:14

Kaɓondɔ unge negbúki muanku mosá á Abɛ Mokonga,

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.

Yakɔ́ɓɔ 3:9

Ɓeombeba Mɔkɔta nɛsu na Abasu n'eɗáka, ɓe phɔtɔ ɔ̌sɛmɛaga ɓakpa nde Mokonga ɗáeconji ka keongi akɛ n'eɗáka.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

Yúda 1:20

Cɔ, ɓenu ɓadani ékondi, mamani akpɛ ka ɓeekea nɛnu á kanga ɓojeɗe. Mɛmani na ɓukpɛkpɛ á Měma á kanga ɓojeɗe.