Ɓaɛphɛ́sɔ 2:15 - Ɔngana á Kɛ̌kɛ

¹⁵ Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaɛphɛ́sɔ 2:15 Iomraidhean Croise

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓagalatía 3:10

Cɔ, Mokonga aɛ́sɛmɛagande ɓakpa nde ɓábisi mɔphɛ aɓɔ ka nyɔngɔ á ɛɔphi. Nga, Ɓuku á Mokonga agi: «Ɓánsɛmɛagande nkpa buakɛ mmbé nnaoamba na nnaɔtɔtɔkisa esa bui kema bubui nde a suɓi á ɓuku ɛ́ɔphi.»

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 2:14

Kiísito sasakɛ aámbé asóbikisíí ɓujɛjɛ ka jukanisa Ɓayúda na ɓakpa nde ɓáná Ɓayúda ɓáoɓá ekuna moci. Ka nyɔngɔ á kukuwa akɛ aunge ɗáuɗi ɓǔkendu nde ɗáekatanisi na bisa koɓiɓia sɔsɔɓɛ aɓɔ.

Ɓaɛphɛ́sɔ 2:16

Ka nyɔngɔ á kukuwa á Kiísito ka moyangɔ, yɛ ɗáejúkanisi ɓɔbu ka ɓá nyama moci, áɓá phɔtɔ kɔ̌ɔnganisa ɓɔ na Mokonga. Ka moyangɔ unge ɗáúji nsengo.

Ɓaɛphɛ́sɔ 4:16

Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓakɔlɔsái 2:14

Ɗéɓetú ɓea ɓunde ɗáɓátú na nyɔngɔ á phenda í, ka nyɔngɔ nde ɗéɓékétú oamba ɛɔphi. Mokonga â gǎkɛ omowa ɛɔphi ndɔ ɗáosógusa, áɔkɔkɛaga ú ka moyangɔ.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓaɛbulanía 7:16

Ekuma á ntoɓeigi-phɛ́a ínɛkɛ cina í nnaoɓea nyɔngɔ á ekuna. A ndiu ka ɓukpɛkpɛ á enda á mɛyɔ.

Ɓaɛbulanía 8:13

Cɔ, ɓî Mokonga ayɔngi ka nyɔngɔ á ɔngana á kɛ̌kɛ, ande gea te nnde á mosá a ye tɔ á kala. Cɔ, kema a ye oɓá á kala, áɔgbɛga. Ande gea te, abíbí á kukuwa.

Ɓaɛbulanía 9:23

Cɔ, kaɓɛ moangɔ ndɔ unge aotókisa ɓojeɗe á kema nde atɔndɔ iii índɔ á na koba, akeni gǎkɛ koɗoni á kema á na koba áɓɛ na phɛ́a nde aánjá phɛɛ kɔnyɛ́nya ndɔɔ.