Ɓaɛphɛ́sɔ 2:14 - Ɔngana á Kɛ̌kɛ

¹⁴ Kiísito sasakɛ aámbé asóbikisíí ɓujɛjɛ ka jukanisa Ɓayúda na ɓakpa nde ɓáná Ɓayúda ɓáoɓá ekuna moci. Ka nyɔngɔ á kukuwa akɛ aunge ɗáuɗi ɓǔkendu nde ɗáekatanisi na bisa koɓiɓia sɔsɔɓɛ aɓɔ.

Ɓaɛphɛ́sɔ 2:14 Iomraidhean Croise

Lóka 1:79

Ka bɛnya gǔ asu, ɓesu íɓunde ɓe ka keiphe na kusi á iimbiɔ á kukuwa, na ka ubisa asu aphe á ɓujɛjɛ.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 10:28

Aǒngoɗea te: «Ɓooúba gea, ɛɔphi á esomba nɛsu Ɓayúda, aimisí ɛmbana na nto á k'ékuna nɛngbo phɔtɔ na ngia k'éndu nɛkɛ. Mokonga ɗámophangi gǎkɛ gea, kákeni nɛmɔnɛ ka nkpa ɓea nto á ɓɔjɔɔkiɔ na ótaɔ.

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaɛphɛ́sɔ 2:17

Ande gea, Kiísito ɗábiki ɔtɔmiaga Mbino-Ánjá á ɓujɛjɛ ka ɓakpa ɓɔbu. Ka ɓenu ɓato á k'ekuna nɛngbo, ɓunde ɗóɓotú ɗanga na Mokonga, phɔtɔ ka Ɓayúda ɓunde ɗáɓátú bíbí akɛ.

Ɓaɛphɛ́sɔ 3:15

mmbé ande Abei á ekombo bubui á na koba, na nnde á ka mokonda bui.

Ɓaɛphɛ́sɔ 4:16

Yɛ aámbé aojúkanisaga gbútuka ɗanga-ɗanga á nyama ka ɓá kimoci. Ɔngɔkanaga á nkua aoenga ka jukanisaga nyama. Na mbenɔ nde gbútuka ɗanga-ɗanga á nyama aɔbɛɗanaga, nyama áɔmɔta ɓíndɔ akeni na éjonga sisakɛ suɓi á ekondi.

Ɓakɔlɔsái 1:20

Ɗákondi sikisa ɓujɛjɛ sɔsɔɓɛ akɛ na econji bui á ka mokonda k'aphe ndea Anakɛ. Mbenɔ nde Kiísito ɗáɗuki magia akɛ ka moyangɔ, mpɔ Mokonga áosikisa ɓujɛjɛ sɔsɔɓɛ akɛ na econji bui nnde á na koba na nnde á ka mokonda.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 7:2

Yɛ aámbé Abalaámu ɗámophi phɔtɔ phaeka moci á nkama á nkumba bui nde ɗábɛɗi. Kantíti á ina ndɔ Mɛlkisɛdɛ́ki ande phɔ́ «Moamɛ á koɗoni». Ɗátú phɔtɔ moamɛ á ka Salɛ́mu ande gea te «Moamɛ á ɓujɛjɛ.»