Ɓaɛphɛ́sɔ 1:7 - Ɔngana á Kɛ̌kɛ

⁷ K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 1:7 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Málikɔ 14:24

Yéso áǒgea: «Divai nde, ande magia ani, magia nde aɗǔkani ka phɔa ɓakpa ɓásii ka engekisa ɔngana ndea Mokonga.

Lóka 1:77

na úbisa á ɓakpa nɛkɛ nyɔngɔ á ɓoamia á ka měma, n'aphe á íma ɓojeɗe nɛɓɔ.

Lóka 24:47

Goto ka ina akɛ unge ɓɛ̌phɛande ɓato á ka ekuna bui, kpanga ka Yɛusalɛ́ma gea te, ɓákětiɛ tambea aɓɔ, mpɔ Mokonga áímɛ ɓojeɗe nɛɓɔ.

Yoáni 20:23

Nkpa buakɛ mmbé ɓoímande ɓojeɗe nɛkɛ, ɓojeɗe ndɔ áoímika. Nkpa buakɛ mmbé ɓókóímɛku gǎkɛ ɓojeɗe nɛkɛ, ɓojeɗe ndɔ káímikɛku.»

Ekuma á ɓateki 10:43

Ɓaɔtu-nyɔngɔ ndea Mokonga ɓɔbu ɗáɓán'yɔngɛi gea, nkpa buakɛ, mmbé aomɓeekea, Mokonga áímande ɓojeɗe nɛkɛ ka ɓukpɛkpɛ á ina á Yéso.»

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 3:24

Cɔ, ka nyɔngɔ á ɓonjánja-ékondi ndea Mokonga, Mokonga aétangi ɓato á koɗoni kángá ophendɔ ka nyɔngɔ nde Yéso Kiísito aámbé aékoɗigi.

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓaɛphɛ́sɔ 1:14

Měma ndɔ, a ɓea moéma, asóengekisíí ɓotukɔ nde Mokonga aebisíí ɓakpa nɛkɛ. Yɛ, asóengekisíí gea, ɓɛtɔaeka ú mbenɔ nde ɓetókande ka kɔkɔɓɛ ɗoni. Ɓébebɛni ɓoombia nɛkɛ!

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 1:8

nnde ɗásóphi ásii phɛɛ ka opha asu kɔɓɔɔngɛ bui na úbapha bui.

Ɓaɛphɛ́sɔ 2:4

Mokonga a gǎkɛ na ngomi ka ɓesu phɛɛ, ka nyɔngɔ ékondi ángbó nde ɗásókondi ně.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:16

Nɛɔmɛma Mokonga gea te, ánogbagisɛgɛ ka měma, ɓî ana ɓoombia ángbó. Mpɔ, ɓóoɓá ɓakiísito ɓákpɛkpɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓaphilípi 4:19

Mokonga nɛmɔ anóphande kema bui nde ɓonasiki í, ka ɓeana na ɓoombia á ɛtɔi nɛkɛ k'aphe ndea Kiísito Yéso.

Ɓakɔlɔsái 1:14

K'aphe ndea Kiísito aunge Mokonga aími ɓojeɗe nɛsu.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 3:6

Nga, Mokonga ɗándandisi phɛɛ Měma á kanga ɓojeɗe suɓi asu k'aphe ndea Yéso Kiísito, Namisi nɛsu.

Ɓaɛbulanía 9:22

Cɔ, ande ɓea ɓíndɔ ɛɔphi asosi gea ɓojeɗe bubui a tɔ otóka ka ɗǔkana á magia. Aoɓá magia na káɗǔkanimbɛ, ande gea ɓojeɗe kaímikimbɛ.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 2:12

Ɓaniki amɔ, nenóɗundui ka nyɔngɔ nde, Mokonga aími ɓojeɗe nɛnu k'ína á Yéso Kiísito.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.