Ɓaɛphɛ́sɔ 1:6 - Ɔngana á Kɛ̌kɛ

⁶ Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 1:6 Iomraidhean Croise

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Matáyɔ 20:9

Ɓundɔ ɓátókpangi ekuma ka oyonga, ɓâ phɔ́ obika nkpa na nkpa áɔbɛɗa ophendɔ nɛkɛ nnde akeni ka esa moci.

Matáyɔ 3:17

Wa, ɛsɔ áɔɔ́kɛkana n'atóki na koba gea: «Mmbé ande miki nɛmɔ á ekondi, nena maseye ka phɔakɛ.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 10:17

Cɔ, Abɛ amokondi nga, neɓeeki kukuwa ka gea, néendɛ goto.

Yoáni 3:35

Eya, Mokonga ankondi Anakɛ, áobisa kema bui ka njaga akɛ.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓaɛphɛ́sɔ 1:12

Cɔ, ɓémbebɛni Mokonga ka ɓoombia nɛkɛ, ɓesu íɓundɔ ɗéɓenseɓei Kiísito k'ama mosá-mosá.

Ɓaɛphɛ́sɔ 1:14

Měma ndɔ, a ɓea moéma, asóengekisíí ɓotukɔ nde Mokonga aebisíí ɓakpa nɛkɛ. Yɛ, asóengekisíí gea, ɓɛtɔaeka ú mbenɔ nde ɓetókande ka kɔkɔɓɛ ɗoni. Ɓébebɛni ɓoombia nɛkɛ!

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓaphilípi 4:19

Mokonga nɛmɔ anóphande kema bui nde ɓonasiki í, ka ɓeana na ɓoombia á ɛtɔi nɛkɛ k'aphe ndea Kiísito Yéso.

Ɓakɔlɔsái 1:13

Yɛ aámbé ɗásókoɗigi ka ɓukpɛkpɛ á kaiphiɔ, áosóngisa ka koɓoamɛ ndea Miki nɛkɛ ékondi.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.