Ɓaɛphɛ́sɔ 1:5 - Ɔngana á Kɛ̌kɛ

⁵ Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 1:5 Iomraidhean Croise

Matáyɔ 1:25

Ɗákádondani gǎkɛ na yɛ na ka ɓî Malía ɗámɓɔkɔti miki-mǒko, mmbɔ Yɔsɛ́phu ɗánsu Yéso.

Matáyɔ 11:26

Eya, Abɛ! Nnde ɗókondi aungɔ.»

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Lóka 11:32

Esa á tena á nyɔngɔ, ɓato á ka Nináwe ɓɛ́tɔngaeka ɓato á k'ɛ́ɓɔkɔti ndee. Ɓáotena nyɔngɔ nɛɓɔ akpɛ nga, ɗáɓákěti tambea aɓɔ ɓî ɗáɓáɔ́ki ɓɔphɛi ndea Yɔ́na. Kɛ̌kɛnde gǎkɛ, nyɔngɔ á kesande anyɛ́nyi nnde á Yɔ́na.»

Lóka 12:32

Miki á nsamba á ɓamɔgɔgɔ nɛmɔ, ɓókoɓɛmbɛ na kɔɓɔɓɔkɔ! Nga Abanu ana siki á opha anu koɓoamɛ nɛkɛ.

Yoáni 1:12

Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

1 Ɓakɔlítɔ 1:1

Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

2 Ɓakɔlítɔ 6:18

Neɓande abanu, ɓoɓande baseka na ɓaganda nɛmɔ. Mmbé ayɔngi nndɔ, ande Mokonga Mɛna-Ɓukpɛkpɛ.»

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓaɛphɛ́sɔ 1:11

Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓakɔlɔsái 1:19

Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

2 Ɓatɛsalɔníka 1:11

Kaɓondɔ unge, ɓɛɔmmɛma Mokonga esa bui gea, ánóphɛ ɓukpɛkpɛ á ɓá ɓakpa nde ɓákeni ka mɔphani nɛkɛ. Ánoengɛ phɔtɔ na ɓukpɛkpɛ nɛkɛ ka gea á ɓonjánja nde ɓokondi. Átɔtɔkisɛ phɔtɔ ekuma nɛnu nnde ɓogi ka nyɔngɔ á ɓeekea akɛ.

Ɓaɛbulanía 2:4

Mokonga â gǎkɛ oɗigimisa nyɔngɔ nde ɗáɓátɔ̌mi, ka tɔtɔkisa á mphangiɔ na ketangaɔ ɗanga-ɗanga phɔtɔ ɓî agabi Měma á kanga ɓojeɗe ɓíndɔ ɗákondi.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.