Ɓaɛphɛ́sɔ 1:4 - Ɔngana á Kɛ̌kɛ

⁴ Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 1:4 Iomraidhean Croise

Matáyɔ 24:22

Atú oɓá Mokonga na kángbîmisi mbenɔ kau, ámbé ka ɓakpa kátóamɛeka. Angbîmisande gǎkɛ ú ka nyɔngɔ á ɓakpa ndɔ ɗáɛsɔmbu.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ekuma á ɓateki 15:18

moangɔ nɛkɛ nnde ɗáengekisi kala.›

Ekuma á ɓateki 18:10

ka nyɔngɔ nde eme, ne kimoci n'oɓɛ. Ka ɓakpa kákodungeku na gea akɔ ájeɗe nga, nena ɓakpa nɛmɔ ɓásii ka ntanga-nji ndee.»

Ɓalɔ́ma 8:33

Ani mmbé aɛ́tɔngande ɓakpa nde Mokonga aɛ́sɔmbu? Tanda nkpa mo. Nga, Mokonga aámbé aǒtanga ɓakpa ndɔ ɓato á koɗoni.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

Ɓaɛphɛ́sɔ 5:27

Ɗákondi gea, kanisa áɔnɛkanɛ mosá akɛ n'ana ɓoombia phɛɛ, kángá: nkiki, kisɛki, na kema ájeɗe-jeɗe nɛngbo. Ɗákondi gea, kanisa áɓɛ á kanga ɓojeɗe na kángá ɔyɛyɔ.

Ɓaphilípi 2:15

ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

Ɓakɔlɔsái 1:22

Kɛ̌kɛnde gǎkɛ, Mokonga anɔɔnganisi na yɛ ka nyɔngɔ á kukuwa á Anakɛ ka nyama akɛ á kokpa ka gea, ánokiɗianisɛ mosá akɛ, ɓato á kanga ɓojeɗe, kángá kisɛki n'oyeyɔ.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 4:7

Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 1:20

Mokonga ɗánsɔmbu mosá á conjá á mokonda, kɛ̌kɛnde amúbisi kanu base, ka mbenɔ á sungiaga á mokonda.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

1 Yoáni 4:16

Ɓesu, ɓeúbi na ɓeekea gea, Mokonga asókondi. Yɛ, ande ekondi. Nkpa nde ana ekondi ka enda akɛ, aiki suɓi á Mokonga na Mokonga áoika suɓi akɛ.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 17:8

Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!