Ɓaɛphɛ́sɔ 1:23 - Ɔngana á Kɛ̌kɛ

²³ Nga, kanisa ande nyama á Kiísito. Suɓi í unge Kiísito aiki buakɛ, ɓíndɔ atúmisi kema bui k'ɔ́ma bui ka mokonda.

Ɓaɛphɛ́sɔ 1:23 Iomraidhean Croise

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Ɓalɔ́ma 13:5

Kaɓondɔ unge aánjá ka ɓenu édidisa mosá á ɓakɔta, nna tɔndɔ ka nyɔngɔ á ɓánga esúia ndea Mokonga, a ndiu goto ka nyɔngɔ nde ɓooúba suɓi á měma te, akeni gea á ɓo.

1 Ɓakɔlítɔ 12:6

Mokonga a tɔ mo. Yɛ gǎkɛ tɔ aámbé aeɓophi ɓakpa ɓɔbu ɓukpɛkpɛ á tɔtɔkisa á ekuma ɗanga-ɗanga bui.

1 Ɓakɔlítɔ 15:28

Mbusa, ɓî Mokonga abisande kema bui kusi á kɔkɔta ndea Kiísito, Kiísito sasakɛ ěbisande kusi á Abakɛ, mmbé ɗábisi kema bubui kusi á Kiísito. Mpɔ, Mokonga aɓande ye tɔ moamɛ gǔ á kema bubui.

Ɓaɛphɛ́sɔ 2:16

Ka nyɔngɔ á kukuwa á Kiísito ka moyangɔ, yɛ ɗáejúkanisi ɓɔbu ka ɓá nyama moci, áɓá phɔtɔ kɔ̌ɔnganisa ɓɔ na Mokonga. Ka moyangɔ unge ɗáúji nsengo.

Ɓaɛphɛ́sɔ 3:10

Cɔ, kɛ̌kɛnde k'aphe ndea kanisa unge ɓakɔta ɓɔbu na ɓukpɛkpɛ á na koba, ɓáúbɛ nyɔngɔ ɗanga-ɗanga á kɔɓɔɔngɛ ndea Mokonga.

Ɓaɛphɛ́sɔ 3:19

Ɓoúbande ekondi nde anyɛ́nyi úbapha bui na ɓɔtɔande enda bui ndea Mokonga na aikande buakɛ suɓi anu.

Ɓaɛphɛ́sɔ 4:10

Cɔ, mmbé ɗádidi, yɛ tɔndɔ aámbé ɗátái phɔtɔ gǔ phɛɛ na koba ka gea, átúmisɛ mokonda bui.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.