Ɓaɛphɛ́sɔ 1:22 - Ɔngana á Kɛ̌kɛ

²² Mokonga abisi kema bui kusi á ecinji á Kiísito, goto áombisa gǔ á kanisa.

Ɓaɛphɛ́sɔ 1:22 Iomraidhean Croise

Matáyɔ 16:18

Eme neongoɗi gǎkɛ ɓe: Onde Pɛ́tɛɛ, na gǔ á ɛtɛ ndee, aunge nɛphɛkande kanisa nɛmɔ, ɓukpɛkpɛ á kukuwa kágeɛku ú na ka kema.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

1 Ɓakɔlítɔ 11:3

Nekondi gǎkɛ ɓóúbɛ nyɔngɔ ndee: Kiísito ande mɔ̌ á mǒko buakɛ. Mǒko ande mɔ̌ á nke. Mokonga ande mɔ̌ á Kiísito.

Ɓaɛphɛ́sɔ 3:21

Ɓoombia áɓɛ ka yɛ suɓi á kanisa na ka Kiísito Yéso ka mbenɔ bui ka saga na saga. Áɓɛ ɓó.

Ɓaɛphɛ́sɔ 5:23

Nga, mǒko ana kɔkɔta gǔ á nkakɛ ɓíndɔ Kiísito ana kɔkɔta gǔ á kanisa. Kiísito sasakɛ ande Namisi á kanisa nnde ande nyama akɛ.

Ɓakɔlɔsái 1:18

Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

Ɓakɔlɔsái 1:8

Yɛ ɗásóngoɗi phɔtɔ mbino ékondi nde Měma á kanga ɓojeɗe ɗánóphi.

Ɓakɔlɔsái 2:10

Ɓî ɓɔɔngani na yɛ, ɓɔtɔi ebigɔ nɛkɛ bui. Yɛ, a gǔ á kɔkɔta bui na ɓukpɛkpɛ bui.

Ɓakɔlɔsái 2:19

Cɔ, ɓakpa nde ɓákájúkani na Kiísito na Kiísito aámbé a ɓea mɔ̌, nnde aoendisa nyama bui na aodondanisaga nsisa bui ka gea nyama á mɔtɛ ɓíndɔ Mokonga akondi.

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

Ɓaɛbulanía 2:8

Ôbisa kema bui kusi á ecinji akɛ.» Cɔ, ɓî Mokonga ɗábisi kema bui kusi akɛ, ande gea te, nna yé na ka kema nde yɛ kábisi kusi akɛ. Eya, ka kɛ̌kɛnde, ɓékeɔnimbɛ phɔ́ ka gea Mokonga abisi kema bui kusi á kɔkɔta á ɓakpa.