Ɓaɛphɛ́sɔ 1:17 - Ɔngana á Kɛ̌kɛ

¹⁷ nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓaɛphɛ́sɔ 1:17 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Matáyɔ 20:33

Ɓáonsikisia: «Mɔkɔta, koɗa iso asu.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 12:12

Nga, Měma á kanga ɓojeɗe anógoisagande ka mbenɔ ndɔ tɔ, nyɔngɔ nde ɓɔyɔngande.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Yoáni 14:17

Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu.

Yoáni 14:26

Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi.

Yoáni 16:3

Ɓágeande ɓó nga, ɓákámúbi Abɛ, ɓákámoúbi phɔtɔ eme.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ekuma á ɓateki 6:10

Ɗáɓákántɔki gǎkɛ ka nyɔngɔ á ɓî ɗáɔyɔnga na kɔɓɔɔngɛ nde Měma á kanga ɓojeɗe ɗámophi.

Ekuma á ɓateki 7:2

Sɛtɛphánɔ áǒsikisia ɓe: «Ɓabɛ na ɓana-ayi, ɔ́kani phɔ́! Mokonga, mɛna-ɓoombia ɗánkiɗianei tatasu Abalaámu n'aphɔ́tɔ ka nji á Mɛsɔpɔtamía, na káikimbɛ ka ntanga-nji á Aláni.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 15:6

Cɔ, ɓenu ɓɔbu na měma mo, n'ɛsɔ mo, ɓombebande Mokonga Abakɛ na Mɔkɔta nɛsu Yéso Kiísito.

1 Ɓakɔlítɔ 12:8

Měma á kanga ɓojeɗe aomopha nkpa egabɔ á yɔnga na kɔɓɔɔngɛ. Měma ndɔ tɔ, aomopha nkpa egabɔ á yɔnga nyɔngɔ á úbapha phɛɛ.

1 Ɓakɔlítɔ 14:6

Cɔ, ɓaya, mbenɔ nde nejúande mɔtɛ-anu, nɛ̂ tɔ ɔyɔngaga na ɓenu ka ɛyɔngi nde nnaoúbukana, neɓande na kantíti ka ɓenu ka kema sina? Neɓande tɔ na kantíti ámbé nɛɔnɔ́tɔmia kema á ɓɔsɔmɛa ndea Mokonga, nyɔngɔ á úbapha, ɔtɔa á nyɔngɔ nde atóki ka Mokonga na ɓɔphɛi.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

2 Ɓakɔlítɔ 12:1

Ambe néeɗokomisɛ nanga ɓî nna na kantíti. Neogea nɛ́yɔngɛ gǎkɛ mphaniɔ ndea Mɔkɔta k'éme.

Ɓaɛphɛ́sɔ 1:3

Obebɔ ka Mokonga, Aba Mɔkɔta nɛsu Yéso Kiísito. Asóbisíí njaga bui ka měma na bisia asu keɓu á na koba ka ɔngana asu na Kiísito.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓaphilípi 3:15

Ɓesu íɓundɔ ɓe ye mɔti ka měma, ɓégeɛ tɔ ɓó. Aoɓá ka ɓenu n'ana kanisia nɛngbo ngángá, Mokonga anophangiande base.

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Yakɔ́ɓɔ 2:1

Cɔ, ɓaya, ɓenu íɓundɔ ɓomɓeeki Mɔkɔta nɛsu Yéso Kiísito, mɛna-ɓoombia, ɓókoɓɛmbɛ ǒɓaya ɓakpa ɓunɛngbo suɓi á ɓeekea nɛnu.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

Mphaniɔ 7:12

ɓáogea: «Áɓɛ ɓó! Obebɔ, ɓoombia, kɔɓɔɔngɛ, ɓosegi, ɓokutú, ɓukpɛkpɛ phɛɛ, áɓɛ ka Mokonga nɛsu ka saga na saga. Áɓɛ ɓó!»