Ɓaɛphɛ́sɔ 1:15 - Ɔngana á Kɛ̌kɛ

¹⁵ Ka nyɔngɔ índɔ unge, ɓî ɗɛ́nɛɔ́ki nyɔngɔ á ɓeekea anu Mɔkɔta Yéso na konda anu ɓato á Mokonga,

Ɓaɛphɛ́sɔ 1:15 Iomraidhean Croise

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaɛphɛ́sɔ 3:18

ka gea te, ɓɔɔtɔka na ɓoengekisi kimoci na ɓato á kanga ɓojeɗe, ɓogbae, ɓondanda, bɔ́mbɔa na dǔmana á ekondi ndea Kiísito.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 4:9

Cɔ, ka nyɔngɔ ékondani, ké na nyɔngɔ á ɗunduia anu. Nga, Mokonga sasakɛ, ɗánóphangí aphe ndɔ kala.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 3:17

Aoɓá nkpa n'ana ɛtɔi ka mokonda ndee, áɔmɔna dakɛ n'ana ɓuyɛnɛ, áonɗakea měma. Cɔ, mmbɔ aɔtɔka n'agi te ankondi Mokonga?

1 Yoáni 4:21

Ɛɔphi nde Yéso ɗásóphi aungee: Mmbé ankondi Mokonga, akeni phɔtɔ, ánkondɛ muna-amakɛ.