Ɓaɛphɛ́sɔ 1:12 - Ɔngana á Kɛ̌kɛ

¹² Cɔ, ɓémbebɛni Mokonga ka ɓoombia nɛkɛ, ɓesu íɓundɔ ɗéɓenseɓei Kiísito k'ama mosá-mosá.

Ɓaɛphɛ́sɔ 1:12 Iomraidhean Croise

Yoáni 14:1

Yéso áǒngoɗea ɓagoigi ɓe: «Ɓókotambɛgɛmbɛ ka měma. Mɓeekeani Mokonga, ɓómoɓeekeɛ phɔtɔ eme.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:21

Ɓoombia áɓɛ ka yɛ suɓi á kanisa na ka Kiísito Yéso ka mbenɔ bui ka saga na saga. Áɓɛ ɓó.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.