Ɓaɛphɛ́sɔ 1:11 - Ɔngana á Kɛ̌kɛ

¹¹ Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 1:11 Iomraidhean Croise

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ekuma á ɓateki 2:23

Mokonga ɗámbisi Yéso ka njaga anu ɓíndɔ ɗáúbikani na anga í kala. Ɓômbisa ka njaga á ɓakpa nde ɓákáomúba Mokonga. Ɓakpa ndɔ, ɓáommowa ka kɔkɛaga akɛ ka moyangɔ.

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ekuma á ɓateki 4:28

Kaɓondɔ, ɓádondanigi ka gea kema nde ɗósui kala. Nga, ona ɓukpɛkpɛ ka tɔtɔkisa á kema nde okondi.

Ɓalɔ́ma 11:34

Sumbia ɓî Ɓuku á Mokonga ayɔngi gea: «Ani mmbé ɗáúbi kanisia ndea Mɔkɔta? Ani mmbé aɔtɔka n'amphɛí?

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

Ɓalɔ́ma 8:30

Ɓakpa nde Mokonga ɗɛ́sɔmbu kala, ɗɛ́ɓɔphani phɔtɔ. Ɓunde ɗɛ́ɓɔphani, ɗétangi phɔtɔ ɓato á koɗoni. Ɓundɔ ɗétangi ɓato á koɗoni, ɗéɓophi phɔtɔ ɓoombia nɛkɛ.

Ɓalɔ́ma 9:11

Mokonga a gǎkɛ na moangɔ nɛkɛ ka sɔmbɔa á ɓakpa. Sɔmbɔa ndɔ, atóki ka mɔphani nde yɛ aɛɓɔphani, nna ndiu ka tambea aɓɔ. Ka ɔnisa gea, nnaoanganisa moangɔ nɛkɛ, Mokonga áongoɗea Lɛbɛ́ka na káeɓonjimbɛ ɓaniki-ɓǒko nɛkɛ, na ɓákágimbɛ mɔnɔ kaɓɛ kema ánjá kaɓɛ kema ájeɗe gea: «Ngbɛga ambɛɗaneagande miki.»

Ɓagalatía 3:18

Cɔ, aoɓá na ɓá tɔ ɔtɔa ɓotukɔ ndea Mokonga ka nyɔngɔ á amba ɛɔphi, ande gea te nna ye pɛ ka nyɔngɔ á mɔkɔ ndea Mokonga! Cɔ, na ka ɓeana na mɔkɔ ndea Mokonga ka Abalaámu aunge ɗámophi ɓonjánja-ékondi nɛkɛ.

Ɓaɛphɛ́sɔ 1:14

Měma ndɔ, a ɓea moéma, asóengekisíí ɓotukɔ nde Mokonga aebisíí ɓakpa nɛkɛ. Yɛ, asóengekisíí gea, ɓɛtɔaeka ú mbenɔ nde ɓetókande ka kɔkɔɓɛ ɗoni. Ɓébebɛni ɓoombia nɛkɛ!

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 1:8

nnde ɗásóphi ásii phɛɛ ka opha asu kɔɓɔɔngɛ bui na úbapha bui.

Ɓaɛphɛ́sɔ 1:9

Áosóphangia base moangɔ nɛkɛ á ɓɔsɔmɛa ka ɓonjánja, áosuia kala tɔtɔkisa í ka Kiísito.

Ɓaɛphɛ́sɔ 3:11

Mokonga agi nndɔ ka ɓeana na moangɔ á mɛyɔ nnde ɗátɔtɔkisi k'aphe ndea Mɔkɔta nɛsu Yéso Kiísito.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 3:7

Mokonga agi ɓó ka ɓonjánja-ékondi nɛkɛ, ka gea, ɓéɓɛ ɓato á koɗoni mosá akɛ, ka tɔá enda á mɛyɔ nde ɓeseɓei.

Ɓaɛbulanía 6:17

Mokonga ɗáyami ɔphá gǔ á mɔkɔ ka úbisa ɓakpa nde ɓátɔande ɓotukɔ á mɔkɔ gea, Mokonga káketiɛeka tanda moangɔ nde abisi ka phɔa nkpa.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

1 Pɛ́tɛɛ 1:4

na ɓondea á ɓotukɔ nde Mokonga anóbisíí na koba nnde nnaoújukana, nnaɔjɔɔkana, nnaoɓuɓia.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.