Ɓakɔlɔsái 4:5 - Ɔngana á Kɛ̌kɛ

⁵ Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

Ɓakɔlɔsái 4:5 Iomraidhean Croise

Matáyɔ 10:16

«Cɔ, ɔ́kani phɔ́! Nenóteki ɓea ɓamɔgɔgɔ ka ɔlɔ á ɓanyama ɓea ɓamabianga. Ɛ́ngɛphani ɓea njɔka, ɓóɓɛ ɓaphɔngɔ ɓea mboe.

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Ɓalɔ́ma 16:19

Ɓakpa ɓɔbu ɓáoúba gea ɓɔɔmɔ́ka Mokonga. Nena maseye ka nyɔngɔ anu. Mɔphɛ ani gǎkɛ ande gea te, ɓóɓɛ ɓamɔɔngɛ ka gea ánjá na yá á ɓojeɗe.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Timɔtɛ́ɔ 3:7

Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,